कैलाली ,१६ असोज। कैलालीमा बाघको आक्रमणबाट च्याउ टिप्न गएका एक जनाको मृत्यु भएको छ ।
गौरीगङ्गा नगरपालिका–६ मोयास्थित भैरव महिला सामुदायिक वनमा बाघको आक्रमणबाट स्थानीय ४० वर्षीय कृष्ण चौधरीको मृत्यु भएको हो ।
इलाका प्रहरी कार्यालय चौमालाका प्रहरी वरिष्ठ नायब निरीक्षक रमेशबहादुर शाहीका अनुसार चौधरीआज बिहान करिब ५ बजे अन्य दुई जनासँगै सामुदायिक वनमा च्याउ टिप्न गएका थिए ।
च्याउ टिप्ने क्रममा चौधरीलाई बाघले आक्रमण गरेको थियो । बाघको आक्रमणबाट उनको घटनास्थलमै मृत्यु भएको प्रहरीले जानकारी दिएको छ ।
चौधरीसँगै वनमा गएका अन्य दुई जनाले भने भागेर ज्यान जोगाएका थिए ।
