दमक/
डिपिएल ( डाईनामिक पब्लिक लाईब्रेरी )ले एघारौ वार्षिक उत्सब मंगलबार मनाउने भएको छ । वार्षिक उत्सवको अबसरमा विभिन्न कार्यक्रम गरिने सोमबार पत्रकार सम्मेलन गरेर जानकारी गराईएको छ ।
कार्यक्रमका संयोजक बिनोद उप्रेतीका अनुसार मंगलबार बिहान ८ बजे देखि १२ बजे सम्म दमक ६ स्थित नमुना बजारमा रिले बुक रिडिङ एन्ड बुक कलेक्सन क्याम्पियन अर्थात पुस्तक पढौ र संकलन गरौ कार्यक्रम गरिदै छ । यस पछि बेलुका ४ बजे देखि बिप्पन्न बालबालिकाकालागी छात्रवृत्ति घोषणा लगायतका कार्यक्रम रहेका छन ।
आगामी शैक्षिक सत्रदेखी लागू हुने गरि यो पटक १० जना बालबालिकालाई न्युनतम कक्षा १२ सम्म अध्ययन गराउने गरिको शैक्षिक कोष बनाएर छात्रवृत्ति कार्यक्रम घोषणा गरिदै छ । अहिले यो कोषमा ५ लाख रुपैया रहेको छ ।
यस पछि मंगलबारनै डिपिएलको कृयसिल सदस्यीयका लागि आवेदन दिएकाहरुको नाम अनुमोदन गरिने छ भने डिपिएलको अफिसियल वेबसाईट www.dpl.org.np को अनावरण पनि गरिने उप्रेतीले जानकारी दिनु भयो ।
भोलीको कार्यक्रमको प्रमुख अतिथीमा प्रदेश १ का आर्थिक मामिला तथा योजना मन्त्री इन्द्र आङवो रहनुहुने पनि पत्रकार सम्मेलनमा जानकारी गराईयो ।
