कोरोना कहर र पुजी बजारमा परेको प्रभाव

अहिले कोरोनाका कारण प्राय सबै क्षेत्रहरु ठप्प छन् । यो बेला बैक तथा वित्तिय सस्थाहरुमा मौज्दात रकम थुप्रीएर बसेको छ । ती सस्थाहरुले अव कम ब्याजको प्रलोभनमा भएपनि त्यो मौज्दात रकमलाई लगानी गर्ने योजना बनाइरहेका छन् । अन्य क्षेत्रहरुपनि उस्तै छ । यसै सन्दर्भमा कोरोनाले शेयर मार्केटमा चाहि कस्तो प्रभाव पारेको छ भन्नेबारेमा नेपाल पुजीबजार लगानीकर्ता सघंकी अध्यक्ष राधा पोख्रेलले केहि टिप्पणी गर्नु भएको छ ।
सकारात्मक

घट्दो बजारमा सेयरको कुरा सुन्ने बित्तिकै नाँक खुम्च्याउनेहरु र सेयर बारे जानकारी नै नभएकाहरुले समेत निरन्तरको बढ्दो बजारसँगै चासो देखाउने गरेको पाईन्छ। जसरि भ्याकुम क्लिनरले फोहोरहरुलाई तानेर एकतृत गर्छ, त्यसैगरी बढ्दो बजारले पनि भ्याकुम बनेर लगानिकर्ताको पैसालाई सोहोरेर बजार पूँजीकरणको थुप्रोलाई बढाउँदै लैजान्छ। बजारको बढ्दो सरगर्मी सँगै पुराना, संस्थागत, अवसर कुरिरहेका तथा नवप्रवेशीहरुको संख्या बढ्दै जान्छ र यसले थप उचाईको आधार तय गर्दै जान्छ ।

४० लाख बढी डिम्याट खाता खुलेका छन्।
घट्दो ब्याजदर र अन्यत्र लगानिको उचित बातावरण नहुँदा सबै क्षेत्रको रकम सेयर बजारमै खनिएको छ।
दैनिक ज्ञण् अर्ब बढीको कारोबारले निरन्तरता पाउँदै गएको छ।
कोरोनाको कारण सोचेजस्तो खराब असर कम्पनीहरुमा देखिएको छैन। नाफा प्रभाबित नहुँदा कम्पनीहरुले लगानिकर्तालाई उचित प्रतिफल प्रदान गरेका छन्।
नेप्से परीसुचक निरन्तर उत्साहजनक रुपमा नयाँ नयाँ रेकर्ड राख्ने पथमा लम्कदैछ।
सेयर बजारको गरम माहौलले अस्त ब्यस्त राजनितिक परिवेशलाई समेत छायाँमा पारिदिएको अवस्था छ। साथै सकारात्मक अर्थमन्त्री बजारले पाएको छ ।

नकारात्मक

चौतर्फी दवाब झेल्न नसकेर अत्याधिक महँगो र दोहोरो कारोबार कमिशनमा ३३% कटौती गर्ने बाहेक नियामक निकायबाट लगानिकर्ताको हितमा कुनै ठोस कार्य हुन सकेको छैन।
बढ्दो भार सँगै सिडिएसले आफ्नो सिस्टमलाई अपग्रेड गरी समायोजन गर्न नसक्दा लगानिकर्ताले पाईला पाईलामा हैरानी खेप्नु परेको छ।
द्रुत गतिमा लगानिकर्ता बढे सँगै नयाँ लगानी कर्तालाई ब्रोकरकहाँ केवाईसी खोल्न, टि.एम.एस.लिन, समयमा भुक्तानी पाउन समेत सोर्स फोर्स लगाउनु पर्ने अवस्था छ।

निश्कर्शः
नियामक निकाय र सरोकारवाला निकायले अब पनि माथी उल्लेख गरिएको रकारात्मक र नकरात्मक बिचको खाडल पुरेर सेयर बजारलाई फराकिलो र लगानिकर्ता मैत्री बनाउन पहल नगर्ने हो भने भोलिको दिनमा धेरै लगानिकर्ताहरु यो बजार मेरो लागी हैन रहेछ भनेर बजारबाटै पलायन हुनेछन्। बजारमा पहुँचवाला र पाखुरी बलियो हुनेले मात्र गरिखाने बातावरणको कारण फलत अहिलेको उत्साह बेबौसमी बर्षाको फोका बनेर बिलय भएर जानेछ।