दमक/
दमकमा पछिल्लो समय बस्तिहरु बढ्न थालेका छन् । जसका कारण सार्वजनिक जमिनको अभाव हुन थालेको छ भने थोरै जमिनमा घर तथा आवास बनाएर बस्नु पर्ने बाध्यता छ । हरेक दिन यहाँ जमिनको मुल्य बृद्धि भइरहेको छ । जमिन किनेर घर बनाएर बस्न चुनौती बढ्दै गएको छ । अर्कोतर्फ दमक एक व्यापारिक केन्द्रका रुपमा पनि विकास भइरहेको छ ।
शिक्षा र स्वास्थ्यको क्षेत्रमा पनि नयाँ संरचना बढ्न थालेपछि पढ्न र उपचार गराउनैकालागि पनि दमक एक पायक ठाउँको रुपमा विकास हुँदै छ । यहाँ रहेको जनसंख्याको महत्वपूणर् हिस्सा डेरामा बस्नेहरुको छ । कसैको घरमा केहि कोठा वा तला अर्थात फ्लाईटनै भाडामा लिएर बस्नेको संख्या उल्लेख्य छ ।
यसरी बस्नेहरु दमकका कि व्यापार गर्नेहरु छन् , कि अध्ययन गर्नेहरु छन् वा त कुनै कार्यालय, सघं सस्था तथा निकायमा काम गर्नेहरु छन् । वा मजदुरी गरेर डेरामा बस्नेहरुको संख्या पनि उल्लेख्य छ । यस्तो अवस्थामा अरुबेला आफ्ना दैनिकिहरु सामान्यतरिकाले सञ्चालन भएपनि डेरामा बस्दा बस्दै कसैको मृत्यू भयो , वा सानो घर छ छेउमा खाली जमिन पनि छैन भने कहाँ र कसरी गर्ने मृत्यू सस्कार ? यो समस्या अहिले दमकमा गम्भिर रुपमा देखिन थालेको दमकका धार्मिक अगुवा कृष्ण प्रसाद मिश्रले बताउनु भयो ।
यही समस्यालाई मध्यनजर गरेर दमक नगरपालिका वडा नं ५ मा किरायापुत्री बस्ने घर निर्माण गरिने भएको छ । यहाँको हरिओम कोलेनी स्थित दिपिनी खोलाको डीलकै पश्चिम किनारमा रहेको लक्ष्मी नारायण मन्दिर छ । यो मन्दिरमा अहिले पुराणको आयोजना गरिएको छ । यहि मन्दिरको उत्तर तर्फ २४ धुर खाली जमिन छ ।
यहि जमिनमा किरायापुत्री घर बनाउने यो मन्दिरका व्यवस्थापन समितीले योजना बनाएका छन् । यहि योजनाको थालनी गर्नकालागि ७ धुर जमिन खरिद गर्न जग्गा धनिलाई बैना पनि गरिसकिएको छ । घर नहुने, घर भएपनि खाली जमिनको अभावले मृत्यू भएपछिको सस्कार गर्न समस्या हुनेहरुकालागि किरियापुत्री घर बनाउन लागिएको लक्ष्मीनारायण मन्दिरमा आयोजना गरिएको पुराणको मुल आयोजक समिती संयोजक नेत्र बहादुर घिमिरेको भनाई छ ।
दमकमा अहिले डेरा गरेर बस्नेहरुमा मृत्यूको तेह्र दिने सस्कार गर्न समस्या देखिन थालीसकेको छ । केहि वर्षपछि जमिनको खण्डीकरण र महगीका कारण घरहुनेले पनि आफ्नै घरमा यो कर्म गर्न चुनौती मोल्नुपर्ने दृष्टान्त आँखैअगाडी छ ।
यो पुण्य कर्मको थालनी भएको देखेर दमकका केहि सामाजीक अगुवाहरुले यसमा सहयोग गर्न पनि थालीसकेका छन् । आफुपछिको नयाँ पीडीले अहिलेको जस्तो अभाव भोग्न नपारोस भनेर सहयोग गर्नेहरु अघी बढिरहेका छन् । दमकका राजनैतिककर्मी नन्दि अधिकारीले यसकालागि भनेर करिव ३ लाख रुपैँया सहयोग गरिसक्नु भएको छ ।
बाक्लो बस्ति, खाली जमिनको कमी , मानीसहरुको बढ्दो व्यवस्तता । अनेकन कारणले पनि मृत्यूको तेह्रदिने सस्कार राम्रो सँग हुन सकिरहेको छैन । यहाँ किरीयापुत्री घर बनेपछि तेह्र दिन सम्मको सबै कर्म गराउने पुरेहित , गरुण पुराण सुनाने पण्डीत, तेह्र दिने काम गराउने अन्य ब्रम्हणहरुका साथमा आवश्यकीय सर सामानको प्रबन्ध सहित यहाँ किरियापुत्री घर बन्ने हो ।
दमककालागि अतीनै आवश्यकीय र पुण्य कर्ममा हरेक क्षेत्रले साथ र सहयोग गर्नुपर्ने यहाँका सामाजीक अगुवाहरुको भनाई छ ।
भिडियोमा हेरौ ।
