दमक/
झापाको दमक ५ स्थित धनेस्वर शिव पाञ्चायन मन्दिरमा यो वर्षपनि पुराण लाग्ने भएको छ । बिगत १० वर्ष देखि विभिन्न महापुराणहरु यहाँ निरन्तर लाग्दै आएको छ ।
यो पटक एघारौ अनुष्ठान अन्तर्गत अर्को नविनतम महापुराण श्रीमद् अग्नि महापुराण सप्ताह ज्ञान महायज्ञ आयोजना गर्न लागिएको मन्दिर व्यवस्थापन समितीका सचिव एकराज लुईटेलले जानकारी दिनुभयो ।
सात दिन सम्म प्रशिद्ध कथा वाचक पंडित भागवत भुषण उदयराज दाहाल तथा उप वाचक पंडित मनिष पोखरेलको मुखारबृन्दबाट कथा वाचन हुने छ भने चर्चीत भजन गायकहरुद्धारा हरेक दिन र साँझ सङ्गीतमय अग्नि महापुराण आयोजन गर्न लागिएको लुईटेलले बताउनु भयो ।
यही फागुन २ गते कलश यात्रा गरी ८ गतेका दिन सम्म कथा वाचन गरेर महापुराण सम्पन्न गर्ने गरिको तयारी गरिरहिएको छ ।
यसरी प्रत्येक वर्ष विभिन्न प्रकारका पुराण लगाएर धनेस्वर धामलाई दमकको एक प्रमुख धार्मिक पर्यटकिय क्षेत्र बनाउन लागीएको समितीका अध्यक्ष रुद्र कार्कीले बताउनु भयो ।
यहाँ प्रदेशकै सबैभन्दा अग्लो शविजीको प्रतिमा निर्माणको काम अन्तिम चरणमा पुगेको छ । करिव ३ महिना भित्रमै यसलाई स्थापीत गराएपछि यस धाम प्रति भक्तजनको आकर्षण अझ बढ्ने अध्यक्ष कार्कीको ठम्याई छ ।
साथै अहिले यहाँ बैगैचा, नागपोखरी निर्माण भइसकेको छ भने सभाहल पनि बनीसकेको छ । सभाहललाई अझै आधुनकि बनाएर यहाँ हुने हरेक धार्मिक कार्यक्रममा सहजता ल्याउने लक्ष मन्दिरले राखेको छ ।
साथै एक पाकघर बनाउनकालागि तत्कालै आवश्यक रहेको उहाँले बताउनु भयो । यस्ता अधुरा संरचना निर्माण गर्न अझै करिव २ करोड रुपैँया खर्च हुने अनुमान समितीको छ । यसकालागी विभिन्न दाताहरुले सहयोग गरिरहनु भएको पनि उहाँले बताउनु भयो ।
