दमक/
मंगलबार राष्ट्रिय बाल दिवसका अवसरमा दमकमा बालबालिकाको कला प्रस्फोटन गर्ने कार्यक्रममा समापन गरिएको छ । दमक नगरपालिका र दमक नगर बाल सञ्जालको संयूक्त आयोजनामा विभिन्न ५ विधामा बालबालिकाहरुले आ आफ्नो क्षमता प्रस्तुत गरेका थीए ।
‘सामान्य अवस्था वा कोभिड माहामारीः बाल अधिकारको संरक्षण हामी सबैको जिम्मेवारी’ भन्ने नाराका साथ मनाइएको बाल दिवसको समापन कार्यक्रममा बाल चित्रकला, वक्तृत्वकला, हाजिरीजवाफ, कथा र कविता प्रतियोगिताहरु समेटीएको बाल कला उत्सव सञ्चालन गरिएको थियो ।
कोभिड १९ को महामारीलाई ध्यानमा राखी कार्यक्रमको प्रतियोगितालाई अनलाइन र भौतिक उपस्थितिमा गर्ने गरि दुई चरणमा बाढिएको थियो ।
भाद्र १२ गुगल फारम सार्वजनिक गरी सहभागीता आह्वान गरिएको थियो । सहभागीले उक्त फारम भरी आफ्नो सहभागीता सुनिश्चित गर्नु पर्दथ्यो र आफ्नो कलाको भिडियो तथा फोटो खिचि भाद्र २२ सम्म पठाउनु पर्ने थियो, उक्त पहिलो चरणबाट सबै विधामा गरी करिब १४५ जनाको नगर बाल सञ्जालका सचिव राम खतिवडाले जानकारी दिनुभयो ।
अनलाइनमा आएका प्रतियोगिीबाट दोस्रो चरणका लागि निश्चित प्र्रतियोगी छनोट गरी भौतिक उपस्थितिमा भाद्र २५ गते कथा र कविता, भाद्र २६ गते वक्तृत्वकला र चित्रकला र भाद्र २७ गते हाजिरीजवाफ प्रतियोगिता सञ्चालन भएको थियो ।
मंगलबार प्रतियोगिताको दोस्रो चरणमा सहभागी हुने बालबालिका तथा प्रथम, द्वितिय र तृतिय तथा सान्तवना स्थान प्राप्त गर्न सफल बालबालिकालाई प्रमाण पत्र तथा पुरस्कार वितरण गरिएको थियो ।
उपप्रमुख गीता अधिकारीले नगर बाल सञ्जालका पदाधिकारीले फरक तरिकाले कार्यक्रम मनाउने तरिकाले ल्याएको स्विकार गरेर काम काम गरिएको बताउनु भयो । उहाँले दमक नगरपालिका बालबालिकाको शिक्षाको अधिकार सुनिश्चित गर्न प्रतिबद्ध रहेको र सिफ्ट वा अन्य माध्यमबाट कक्षा सञ्चालन गराउने गरि तयारी गर्दै गरिएको समेत जानकारी गराउनु भयो ।
उपसचिव तथा शिक्षा तथा खेलकुद शाखा प्रमुख दिनेशकुमार न्यौपानेले बालबालिकामा अन्तरनिहित प्रतिभालाई अगाडि बढाउन सबैले मिलेर काम गर्नुपर्नेमा जोड दिनुभयो । त्यसमा अभिभावकले हौसाल दिने र विद्यालयले त्यसलाई नियमित रुपमा अगाडि बढाउनु पर्ने उहाँको भनाई थियो ।
वक्तृतवकला प्रतियोगितामा साईमोन र मनीला पहिलो
आधारभुत र माध्यमिक दुई तहमा सञ्चालित वक्तृतवकला प्रतियोगिताको निणर्ायकमा शंखर चापागाईँ (धनकुटे कान्छा) र मच्छिन्द्र याख्खा हुनुहुन्थ्यो । आधारभुत तहमा प्रथम, द्वितिय, तृतिय र सान्वना स्थान क्रमशः साइमोना कोइराला, केनिशा सुवेदि, सुरुचि चौधरी र साइमिका कोइरालाले प्राप्त गरै त्यस्तै माध्यमिक तहमा क्रमशः मनिला सेडाईँ, दिक्षा वाग्ले, वर्षात सिटौला र राम कु. क्षेत्रीले प्रथम, द्वितिय, तृतिय र सान्वना स्थान हासिल गरे ।
चित्रकला प्रतियोगितामा आकाशदिप र विपना पहिलो
आधारभुत र माध्यमिक दुई तहमा सञ्चालित चित्रकला प्रतियोगिताको निणर्ायकमा अभिषेक दास र गोपाल निरौला हुनुहुन्थ्यो । आधारभुत तहमा प्रथम, द्वितिय र तृतिय स्थान क्रमशः विपना पाल, बुद्धश्री बमजन र प्रज्वल घिमिरेले प्राप्त गरै त्यस्तै माध्यमिक तहमा क्रमशः आकाशदिप श्रेष्ठ, समिर कार्की र विनय लुईटेलले प्रथम, द्वितिय र तृतिय स्थान हासिल गरे ।
कविता प्रतियोगितामा प्रिपेश पहिलो
खुल्ला अर्थात दमकका १८ वर्षसम्मका बालबालिका सहभागी हुन पाउनेगरि सञ्चालन गरिएको कविता प्रतियोगिताको निणर्ायकमा शिव रेग्मी र विन्दु दाहाल हुनुहुन्थ्यो । प्रतियोगितामा क्रमशः प्रिपेश श्रेष्ठ, प्रिन्सिका भट्टराई र रिया आचार्यले प्रथम, द्वितिय र तृतिय स्थान हासिल गरे ।
कथा प्रतियोगितामा सन्ध्या पहिलो
दमकका १८ वर्षसम्मका बालबालिका सहभागी हुन पाउनेगरि खुल्ला रुपमा सञ्चालन गरिएको कथा प्रतियोगिताको निणर्ायकमा धनन्जय वाँस्कोटा र बाला भट्टराई हुनुहुन्थ्यो । प्रतियोगितामा क्रमशः सन्ध्या शर्मा, रोश्ना श्रेष्ठ र स्वेशा दुलालले प्रथम, द्वितिय र तृतिय स्थान हासिल गरे ।
हाजिरीजवाफ प्रतियोगिता पनि साईमन खड्का पहिलो
दमक भित्रका १८ वर्षसम्मका बालबालिका सहभागी हुन पाउनेगरि खुल्ला रुपमा सञ्चालन गरिएको कथा प्रतियोगिता सुरुमा अनलाइन जुममा जोइन भएर गुगल फारम मार्फत र पुनः भौतिक उपस्थितिमा प्रतियोगिता गराइएको थियो जसमा क्रमशः साईमन खड्का, अशिमबाबु श्रेष्ठ र स्मारिका कोइरालाले प्रथम, द्वितिय र तृतिय स्थान हासिल गरे ।
