दमक/
दमक नगरपालिका वडा नं ५ का सुकुम्बासी बस्तिहरुमा सुरक्षित शौचालय नभएको रिपोर्ट उज्यालो खवरले फागुन २२ गते प्रकाशन/प्रसारण गरेको थियो ।
जहाँ देखाइएको थियो सुकुम्बासी बस्तिहरुमा अझै पनि सुरक्षीत शौचालय छैनन् ।
कम्तिमा शौच त सुरक्षीत रुपमा गर्न पाउँ भन्दै आर्थिक अवस्था कमजोर भएका नागरिकहरुले शौचालय बनाइदिन माग गर्नु भएको थियो ।
सोहि बेला दमक नगरपालिका वडा नं ५ का वडाध्यक्ष इन्द्र गुरुङसँग हामीले यो समस्याका बारेमा राखेका थियौ ।
हामीसँग कुराकानी गर्दै उहाँले केहि समयमै अनुगमन गरेर आवश्यकताको पहिचान गरि शौचालय बनाउन आवश्यक पर्ने सामाग्री प्रदान गर्ने प्रतिवद्धता गर्नु भएको थियो ।
उहाँले त्यस बेला गरेको प्रविद्धता अनुसार पहिलो चरणमा उहाँहरुले सुकुम्बासी बस्तिका कुन घरमा कस्तो शौचालय छ भन्दै अनुगमन गर्नु भयो ।
हरेक घरमा पसेर त्यहाँका बासिन्दासँग कुराकानी गर्दै केके कति कति चाहिन्छ भन्दै अनुगमन गरिएको थियो । त्यसबेला नागरिकले आफ्ना आवश्यकता प्रष्ट राखेका थीए ।
अव अनुगमन गरियो । आवश्यकता पहिचान भयो । चाँडै नै आवश्किय सामाग्री खरिद गरेर सुरक्षीत शौचाल बनाइहाल्न आफु तयार रहेको सो बेला पनि वडाध्यक्ष गुरुङले अनुगमन स्थलमै उज्यालो खवरसँगको कुराकानीका क्रममा बताउनु भएको थियो ।
त्यसबेला उहाँले बोलेका कुराहरु पुरा हुन थालेका छन् । त्यसबेला पहिचान गरिएका सुकुम्बासी बस्तिहरुमा सुरक्षीत शौचालय बन्ने सामाग्री पुगेका छन् । अव यसको सदुपयोग गरेर शौचालय बनाउने भन्दै लक्षित वर्गहरु खुसीले गद गद भएका भएका छन् ।
सुकुम्बासी बस्ति लाई भोट बैक बनाउने गरेको आरोप लाग्दै आएको छ । तर पछिल्लो समय भने सुकुम्बासी बस्ति सुधार गर्ने अभियान चल्न थालेको छ । बस्ति भित्रका अन्य समस्याको पहिचान गरि क्रमश समाधान गर्दै जाने जनप्रतिनिधीको प्रतिज्ञा छ ।
सुरक्षीत शौचालय बनाउने अभियानले कसरी सार्थकता पाउँदै छ भन्ने सम्बन्धीको भिडियो रिपोर्ट यहाँ राखीएको छ ।
सुकुम्बासी बस्तिका अन्य समस्याको समाधानमा जनप्रतिनिधिको ध्यान कस्तो छ भन्नेबारेमा वडा सदस्य सरु परियारसँगको कुराकानीको भडियो यहाँ राखीएको छ ।
