दमक/
नयाँ वर्ष अर्थात बैशाख १ गते देखी प्रदर्शनमा आएको नेपाली चलचित्र ‘जारी’ले अझै ‘मार्केट’ पिटिरहेको छ ।
निरन्तर २६ गते सम्म सबै शो हाउसफूल भइरहेको यो चलचित्रका कलाकार दमकको डि-म्याक्स हलमा आएपछि दर्शकहरुमा थप अकर्षक बन्यो ।
चलचित्रमा देखिरहेका कलाकार आफ्नै आँखा अगाडी देखिदा कुन दर्शकको मन खुसी नहोला । अझ देख्ने मात्रै होईन कालाकार सँग पोच मिलाई मिलाई दर्शकहरुले सेल्फि फोटो खिच्न पाए । कतिपयले त टिक टिक भिडियो नै बनाउने अवसर पाउनु भयो ।
डि म्याक्सले कालाकारहरु मेरुना मगर र बिजय बराल, निर्माता मणिराम पोखरेल अनी निर्देशक उपेन्द्र सुब्बालाई स्वागत सहित सम्मान कार्यक्रम गरेको थियो ।
साथै चलचित्रका सह निर्देशक सिजन दाहाल सहित अन्य कालाकार तथा चलचित्र निर्माण समुहका सदस्यहलाई बुके दिदै खादा लगाएर स्वागत गरिएको थियो ।
डि म्याक्स सञ्चालक रेवत बस्नेत र व्यवस्थापक बुद्धि पाण्डे सहितको टिमले जारी चलचित्रका कालाकार र निर्माता टिमलाई स्वागत गर्नु भएको हो ।
टिकट घरको अगाडी आयोजना गरिएको संक्षिप्त औपचारिक कार्यक्रमलाई सम्बोधन गर्दै निर्देशक सुब्बाले जारी फिल्मलाई रुचाइदिनु भएकोमा धन्यवाद भन्दै खुसी व्यक्त गर्नु भयो ।
पहिला पहिला दमकमा नेपाली फिल्म निकै रुचाइने गरिएपनि पछिल्लो समय चलचित्र केहि दिन प्रर्दशन हुँदानै हल खाली हुने गरेको प्रति दुख व्यक्त गर्दै सुब्बाले भन्नु भयो ‘तर जारी मन पराइदिनु भयो यसले हामीलाई थप हौसाला बढाइको छ । ’
उहाँको सम्बोधन पछि सम्पन्न भएको औपचारिक कार्यक्रम लगत्तै यो टिम टिकट काटेर हल भित्रै छिरेका दर्शक भेट्न गए ।
डि म्याक्सको पहिलोे हलमा फिल्म हेर्न बसेका दर्शकलाई निर्देशक सुब्बा सहित नायीका गुरुङ र अर्का कालाकार बरालले सम्बोधन गर्नु भयो । भने निर्माता पोखरेलले दमकबासीको माया अपराम्पार रहेको प्रतिकृया दिनु भएको थियो ।
हलभित्रैबाट दर्र्शकलाई सम्बोधन गर्दै नायीका मगरले भन्नु भयो ‘तपाईहरुको यो माया सँधै पाइरहौ, जारीलाई अझै माया गरिदिनुहोस ।’
भिडियोमा हेरौ
