Search
Close this search box.

 

दमक/
कोशी प्रदेशका सभामुख अम्बर बिष्टले डिपिएललाई विद्यालय स्तरमै लैजान सुझाव दिनु भएको छ । उहाँले यसको चौथो वार्षिक साधारणसभाको खुल्ला सत्रलाई सम्बोधन गर्दै भन्नु भयो ‘यूवाहरुको यो जमात अव विद्यालय स्तरमा समेत जाओस, त्यहाँ रहेका विद्यार्थीहरुका प्रतिभालाई अझ तिखार्ने काम गरोस ।’ उहाँले भन्नु भयो पहिला पहिला विद्यालय स्तरमा बिभिन्न प्रकारका लेखन प्रतियोगीता हुने गरेको थियो, जसले गर्दा विद्यार्थीहरुमा अध्ययनशीलता बढाइरहेको थियो । तर अहिले त्यस्ता प्रतियोगिता कमै भएको सुन्ने गरिएको छ । अव यो काम डिपिएलले गरोस भन्ने मेरो चाहना हो । ’

शनिबार कमलमा सम्पन्न भएको महाधिबेशनमा बोल्दै उहाँले भन्नु भयो ‘बरु त्यस्ता कार्यक्रम सम्पन्न गर्न आवश्यक पर्ने बजेटको व्यवस्था मिलाउन म कोशी प्रदेश सरकारका विभागीय मन्त्रीज्यूसँग समन्वय समेत गराइदिने छु । ’ विद्यार्थी तथा यूवाहरुमा सकरात्मक सोचको विकास गराउन यस खाले सस्थाहरुको अहम भूमिका हुने भन्दै आफ्नो सकृयतालाई विद्यालय विद्यालय तथा टोल टोलमा लाग्न सभामुख विष्टको सुझव थियो ।

डिपिएलले पायो नयाँ नेतृत्व

यस्तै डाईनामिक पब्लीक लाइब्रेरीले नयाँ नेतृत्व समेत पाएको छ । १२ जनाको नयाँ कार्यसमितीको अध्यक्ष बन्नु भएको छ बालचन्द्र कार्की । उहाँ यस अघी यहाँ बरिष्ठ उपाध्यक्ष रहनु भएको थियो ।

यस्तै बरिष्ठ उपाध्यक्षमा अनु भण्डारी चयन हुनु भएको छ भने उपाध्यक्षद्धयमा दिवस खतिवडा र श्रेयसी खतिवडा चयन हुनु भएको छ ।

महासचिवमा महेश भण्डारी चयन हुदा कोषाध्यक्षमा फेरी पनि कमल गैरेनै रहनु भएको छ । उहाँ नि वर्तमान कमिटीको समेत कोषाध्यक्ष रहनु भएको थियो ।

यसै गरि निर्देशकहरुमा जीवन सापकोटा, गुणराज गिरि, प्रवेश दुलाल, विस्वास गौतम, सरु गिरी र आयूष बाटाजु चयन हुनु भएको छ ।

यो कमिटीको एक वर्षको कार्यकाल रहने छ । पठन सस्कृतीको विकास गरि सभ्य र अनुशासीत समाजको परिकल्पना गर्दै आएको यो लाइब्रेरीले पछिल्लो समय यूवा उद्यमी र नेतृत्व विकासमा समेत काम गर्दै आएको छ ।

Share:

Facebook
Twitter
Email
WhatsApp