दमक/
कुष्ठ रोग, हात्तीपाइले, डेंगु, सर्पदंश लगायतका रोग उष्ण प्रदेशीय रोगहरु हुन् । यस्तोमा विरामीले कसरी रेखदेख र उपचार गर्ने धेरै जनामा अन्योलता छ । यही अन्योलताका कारण समस्या देखिए पनि विरामी सहजै उपचारमा जादैनन् । सामाजिक बहिष्करणमा पर्ने डरले कुष्ठ प्रभावित उपचारको दायरामा आउन नै चाहँदैनन् । जसले गर्दा संक्रमण दर बढ्दै जाने समस्या छ । यस्तो समस्या हटाउन झापाको दमकमा स्वास्थ्यकर्मीहरुलाई अभिमुखीकरण कार्यक्रम सुरु गरिएको छ ।
दमक अस्पतालमा तीन दिन सम्म चल्ने यो कार्यक्रमको आज दमक नगरपालिकाकी कार्यवहाक नगर प्रमुख रेगिना भट्टराईले उद्धघाटन गर्नु भयो । ‘रोगहरुको कुनैपनि सानो र ठुलो भनेर वर्गीकरण नगरी सबै खाले रोगको जोखिमताका बारेमा बिरामीहरुलाई सरल तरिकाले जानकारी गराउन आवश्यक छ ।
त्यस रोग सम्बन्धी पूर्ण जानकारी पाएपछि त्यो रोग लाग्नै नदिन गरिने उपायका बारेमा प्रभावीतहरुलाई जानकारी गराइएमा त्यसबाट हुने क्षतीमा न्यूनिकरण गर्न सकिन्छ ।’ कार्यवहाक नगर प्रमुख भट्टराईको भनाई छ ।
दमक नगरपालिकाका स्वास्थ्य शाखाका प्रमुख नगेन्द्र भट्टराईले यस सम्बन्धी सचेतनाका कार्यक्रम समुदायको तल्लो तहसम्म पुर्याउन आवश्यक रहेको र त्यसमा सबै स्वास्थ्यकर्मीहरुको भूमिका महत्वपूर्ण रहने बताउनु भयो ।
२१ जना चिकित्सक तथा स्वास्थ्यकर्मी सहभागी शो अभिमुखीकरण कार्यक्रम दमक नगरपालिकाले आयोजना गरेको हो । यसमा एन एल आर नेपाल बिराटनगर, सहारा नेपाल झापा र फेयर मिडको सहकार्य रहेको थियो ।
अभिमुखीकरण फागुन ५ गते सम्म सञ्चालन हुने छ ।
भिडियोमा हेरौ
