दमक/
अहिले दमक महोत्सव चलिरहेको छ । यो महोत्सव सकिएको अर्को एक हप्ता भीत्रैमा दमकमा फेरी अर्को महोत्सव लाग्ने भएको छ । फागुन १२ गते दमक महोत्सव सकिदैछ भने त्यसको ६ दिन पछि अर्थात फागुन १८ र १९ गते दुई दिन सम्म अर्को महोत्सव लाग्ने भएको छ ।
याक्थुम साम्लो महोत्सव २०८० नाम दिइएको यो महोत्सवको आयोजना र तयारीका बारेमा आज आयोजकले पत्रकार सम्मेलन गरेर यसबारेमा जानकारी दिएको छ ।
फक्ताङलुङ सास्कृतिक मञ्चले आयोजना गर्ने यो महोत्सवमा खास गरेर लिम्बु जातीहरुको सस्कार र सस्कृतीका बारेमा प्रर्दशनी गरिने छ ।
यो जातीभित्रका बिभिन्न गीत संगीतहरु लोप हुन थालेको र त्यसको संरक्षणका साथै प्रर्वधन समेत गर्न यो महोत्सत्कवको आयोजना गरिएको आयोजक मुल समितीका संयोजक तथा सस्थाका अध्यक्ष समेत रहनु भएका पूर्ण कुमार सेर्मा(यादन)ले दमकमा पत्रकार सम्मेलन गरेर जानकारी दिनु भयो ।
उहाँका अनुसार यो महोत्सवमा याक्थुम लिम्बुहरुको मौलीक सस्कृती तथा मुन्धुमी लोक साम्लो, गीतको रुपमा विद्यमान रहेका पालम, ख्याली, हाक्फारे, माङसिवाखाहुन, सेवा साम्लो, माङलाङ, केलाङ, येबालाङ, थेबालाङ, युमालाङ साथै लोपोन्मुख अवस्थामा रहेका ताम्के, याःसाम्लो,माङघ,नुवापमा सिमेरिड लगायत सास्कृतीक प्रस्तुती रहने छ ।
साथै याक्थुम लिम्बुहरुको मौलिक सस्कृती सम्बन्धी कार्यपत्र समेत प्रस्तुत गरिने पत्रकार सम्मेलनमा जनाइएको छ ।
भिडियोमा हेरौ
https://youtu.be/e6dqCKXwDg8
