दमक/
बालबालिकाहरुको दाँतमा समस्या हुन सक्छ । किनकी उनीहरु आफै त्यसको संरक्षण गर्न जान्दैनन । पूर्ण रुपमा सरसफाई गर्न सक्दैनन । के खाने, कस्तो खाने, के खादा दाँतमा असर पार्छ जस्ता कुराको कुनै प्रवाह नै नगरी उनी मन लागेका खानेकुराहरुपनि खाने पर्छन ।
दमक स्थित ओम शान्त्ती डेण्टल हस्पिटलका दाँत रोग विषेशज्ञ डा. स्मारक दाहाल भन्नु हुन्छ ‘सायद खानपान नमिलेर हो कि अहिले बालबाबालिकाहरुमा दाँत झर्ने समस्या धेरै छ । १४ वर्ष मा मात्रै झरेर फेरीनु पर्ने दाँत अहिले ६÷७ वर्षका बालबालिकाको पनि झर्न थालेको छ । यो समस्या हो ।
अभिभावकहरुले बालबालिकाले दाँत माझ्दा कसरी ब्रसको प्रयोग गरीरहेका हुन्छन् ? दाँतमा केहि देखिरहिएको छ कि भन्ने कुराको याद नगरेर पनि कलिलैमा दाँत झर्ने गरेको डा. दाहालको भनाई छ । भन्नु हुन्छ ‘दाँत जव खुख्छ अनी मात्रै हस्पिटलमा लगेर देखाउने चलन छ । जुन गलत हो । दाँतमा समस्या आउनै नदिन त्यसको स्थितीबारेमा जानकार भइरहन पनि समय समयमा यस सम्बन्धीका बिज्ञहरुलाई देखाइरहन पर्छ । ’
यही कुराको मद्यनजर गर्दै दमक ८ मा रहेको रोजीएट ब्राईट इङलिस स्कुलले आफ्ना विद्यार्थीहरुको दाँतको स्थिती बारेमा थाह पाउन निशुल्क शिविरनै आयोजना गर्यो । यसका अध्यक्ष सुर्य कट्वालले विद्यार्थीहरुको स्वास्थ्य स्थिती बारेमा थाह पाइरहन र त्यसबारेमा अभिभावकलाई सहजग गराउन यस खाले शिविरहरु गरिरहिएको हो । यहि क्रममा आईतबार दाँत र आँखाको शिविर आयोजना गरीएको अध्यक्ष कट्वालले जानकारी दिनु भयो ।
यो विद्यालयमा करिव ५ सय जना विद्यार्थीहरु अध्ययन गर्छन । उनीहरु सबैको आईतबार दाँत र आँखाको निशुल्क परिक्षण गराइएको छ । उनीहरुलाई थप उपचार गराउनु परेमा शिविरमा प्राविधिक सहयोग गर्ने स्वास्स्थ्य स्वास्थ्य सस्थाहरु ओम शान्त्ती डेण्टल हस्पिटल मेची नेत्रालयले २० प्रतिशत छुट समेत प्रदान गर्ने जनाइएको छ । ओम शान्त्ती डेण्टल हस्पिटलमा चाहि ओपीडि र दाँतको एक्सरेमा सशत प्रतिशत छुटको समेत सुविधा दिइएको यसका व्यवस्थापक कमल गैरेले जानकारी दिनु भयो ।
भिडियोमा हेरौ
