Search
Close this search box.
"शिक्षक बाट यातना"

शिक्षक बाट असुरक्षीतबन्दै विद्यार्थी

सुुन्सरी।धरान-१५ स्थित नवज्योति स्कुलकी शिक्षिका सुरक्षा लिम्बूले शारीरिक यातना दिँदा आधारभूत कक्षाकी एक छात्रा गम्भीर घाइते बनेकी छन् ।
घाइते विद्यार्थीको विजयपुर अस्पतालमा उपचार सम्भव नभएपछि बीपी कोइराला स्वास्थ्य विज्ञान प्रतिष्ठान रेफर गरिएको छ । कक्षा ४ मा अध्ययनरत ११ वर्षीया विद्यार्थी मानसी चौधरीलाई गृहकार्य नगरेको भन्दै शारीरिक यातना दिइन् । गृहकार्य नगरेको भन्दै १ सय ५० पटक उठबस गर्न लगाएको पीडित विद्यार्थीले  बताइन् ।

उनका अनुसार शिक्षिकाले श्वास फेर्न नै गाह्रो हुने गरी यातना दिएको बताइन् । उनले भनिन्, ‘उठबस गर्दागर्दै सास फेर्न गाह्रो भयो । तर, मिसले मलाई गराएको गराई गर्नुभयो ।’ जसका कारणले मेरा खुट्टा चल्न छाडेका छन् ।’ मानसीका बुबा शम्भुराम चौधरीले स्कुलका शिक्षिकाले मरणासन्न हुने यातना दिएको कारणले छोरी गम्भीर घाइते भएको बताए ।

उनले शुक्रबार यातना दिएको विषयमा छलफल गर्दा तत्कालीन समयमा शिक्षिकाले उठबस गराएका स्वीकार्दै माफी मागेको बताए । यातना दिइए पनि सामान्य होला भनी २ दिनसम्म घरमै आराम गराएको भए पनि दिनदिनै समस्या बढ्दैगएपछि उपचारमा लानुपर्ने अवस्था आएको शम्भुरामले बताए । शुक्रबार स्कुलमा गएर छलफल गर्दा ३ हजार रुपैयाँ उपचारका लागि दिएको उनले बताए ।

परिवारले मानसीलाई शुक्रबार विजयपुर अस्पताल भर्ना गरेका थिए । विजयपुर अस्पतालले उपचार सम्भव नहुने बताएपछि बीपी प्रतिष्ठान लगिएको उनले बताए । उनले भने, ‘उपचार गर्नू, बिलहरू स्कुलमा ल्याउनू भनेका छन् ।’ मानसीकी आमाले छोरी झन् साह्रो भएपछि मेडिकलमा गएर औषधि खाँदा पनि ठीक नभएपछि अस्पताल ल्याएको बताइन् ।

शम्भुरामले उपचारमा कति लाग्छ, सबै खर्च स्कुलले व्यहोर्नुपर्ने बताए । उनले भने, ‘स्कुल पढ्न पठाएको थिएँ, यातना दिएर अपाङ्ग बनाउन होइन ।’ उनले छोरीको उपचारमा लाग्ने सम्पुणर् खर्च स्कुलले व्यहोर्नु पर्ने, यातना दिने शिक्षिकालाई कारबाही गर्नुपर्ने र छोरीलाई ठीक नभएमा त्यसको जिम्मा स्कुलले लिनुपर्ने माग गरे । उनले भने, ‘छोरीको उपचार गर्नुपर्छ । शिक्षिकालाई कारबाही गरी निष्कासन गर्नुपर्छ । छोरी पूणर् निको नभए वा केही भएमा जिम्मेवारी लिनुपर्छ ।

Share:

Facebook
Twitter
Email
WhatsApp