दमक/
झापाको दमक २ मा रहेको आम्दा अस्पताल , एक सामुदायीक अस्तापल हो । यो अस्पताल दमकमा आउँदा सुरुमा भुटानी शरणार्थाीहरुको उपचार गर्न भन्दै स्थापना भएको थियो ।
पछिल्लो समय भुटानी शरणार्थी तेस्रो मुलुक गएर पुनःस्र्थापीत भइसकेपछि यो अस्पताल अहिले सामुदायीक रुपमा सञ्चालन भइरहेको छ ।
पहिला भुटानी शरणार्थीको उपचार गर्ने भन्दा बिभिन्न दाता तथा सहयोगीहरुले यहाँको सेवा बिस्तार गर्न सहयोग गर्ने गरेका थीए । उपकरण खरिद देखी विषेशज्ञ चिकित्सकहरु सम्म दाताहरुकै सहयोगले चलेको थियो यो अस्पताल ।
अहिले भने भुटानी शरणार्थी समेत नभएपिछ यो अस्पतालमा दाताहरु प्नि घटे । तर दाता घटेपनि आम सर्वसाधारणको स्वास्थ्य उपचारमा भने अस्पतालले कुनैपनि कमी गराएन ।
अस्पताल चलीरहेको छ । बिभिन्न आरोह र अवरोह पार गर्दै नै भएपनि । सेवाहरुलाई थप गुणस्तरीय बनाइनै रहेको पनि छ । विषेशज्ञ चिकित्सकहरुले दैनिक सेवा दिइनै रहेका छन् । यहाँको अभाव र आवश्कतालाई मद्यजनर गर्दै समुदाय स्तरबाट सहयोग पनि मिल्ने पनि गरेको छ ।
यही क्रममा यहाँ अघिल्लो साता नयाँ एच डि यू को भवन उद्धघाटन गरिएको छ । यो भवन चाहि लाइन्स इन्टरनेशनल फाउण्डेशनले बनाइदिएको हो । र यसको बिधिवतरुपमा लाइन्स इन्टरनेशनल फाउण्डेशनले आम्दा अस्पताललाई हस्तान्तरण गरेको छ ।
दमकका लायन्सकर्मीहरुको पहलमा यहाँ यस अघीपनि लाइन्स इमरजेन्सी वार्डपनि बनिसकेको छ । अस्पतालमा लायन्सयको यो दोस्रो प्रोजेक्ट हो । लायन्सकर्मी दिवस राई भन्नु हुन्छ ‘ १७ लाख ३८ हजार ९४० रुपैँया यो भवन मात्रै बनाउन खर्च भएको छ । यसमा अझै टाली र रङ्ग लगाउन बाँकी नै छ । उहाँले बताउनु भयो ।
अस्पतालका मेडिकल सुपरिटेण्डेण्ट डा. प्रकाश शर्मा भन्नु हुन्छ ‘आम्दा अस्पताल दमक एक गैर नाफामुलक सस्था हो । यो सस्थालाई अहिले कुनै पनि दाताको सहयोग आउँदैन । समुदाय स्तरबाट प्राप्त भएका सहयोगकै कारण अहिले सम्म यहाँबाट स्वास्थ्य सेवा प्रदान गरिरहेका छौ । लायन्सकर्मीहरुले यस अघी बनाइदिएको इमर्जेन्सी वार्डले अहिले यहाँ आउने बिरामीहरुलाई सहज बनाइदिएको स्मरण गर्दै डा. शर्माले भन्नु भयो त्यसले हामीलाई कोभिड जित्न मद्यत गर्यो , त्यो भवनकै कारण हामीले धेरै बिरामीको उपचार गर्न सक्यौ । सायद त्यो भवन थीएन भने हामीलेल धेरै बिरामी यहाँबाट फर्काउनु पर्ने स्थिती हुन सक्थ्यो । अहिले बनेको एच डि यूको भवनले पनि यहाँ आउने बिरामीहरुलाई सहजता दिने छ । अव यसको सञ्चालन गर्न अस्पताल प्रतिवद्ध रहेको र सहयोग गर्ने सबैलाई डा. शर्माले आभार पनि व्यक्त गर्नु भएको थियो ।
जहाँ आवश्यकता त्यहाँ लायन्स भन्ने अभियान अन्र्तगतनै आम्दा अस्पताल दमकमा दुईवटा भवन बनेका हुन । लायन्स इन्टरनेशनल डिस्ट्रिक ३२५ सि का पूर्व डिस्ट्रिक गभर्नर लायन्कर्मी रेवत कार्कीको पालामा सुरु भएको यो भवन अहिले सम्पन्न भयो । यहाँ यस अघीपनि यहाँ इमर्जेन्सी भवन चाहिएको छ भन्ने कुराको आभास यही कार्यरत स्टाफ नर्स तथा लायन्सकर्मी कमला घिमिरेले गराउनु भएको थियो भने अहिले बनेको यो एच डि यू भवनको आवश्यकताको अनुभुती पनि उहाँलेनै गराउनु भएको थियो । उहाँले लायन्सका बिभिन्न तहका नेतृत्वलाई प्रस्ताव गरेपछि यसलाई एउटा प्रोजेक्टको रुपमा मुर्त रुप दिन दमकमा रहेका लायन्सकर्मीहरुको सकृयता साथै लाइन्स इन्टरनेशनल फाण्उडेशनबाट पनि बजेट ल्याइ अहिले काम सम्पन्न गरिएको छ । यसले अस्पतालको सेवा बिस्तारमा केहि न केहि भएपनि लायन्सको पनि भूमिका देखिएको पूर्व गभर्नर कार्कीको भनाई छ ।
यो भवनको बुधबार इन्टरनेशनल डिस्ट्रिक ३२५ सि का वर्तमान डिस्ट्रिक गभर्नर विजयीहरी शर्मा,पूर्व डिस्ट्रिक गभर्नरहरु धिरज गुरुङ, फूलकुमार लावती र इन्द्र खत्रीको पनि उपस्थिती रहेको थियो । साथै दमकमा रहेका बिभिन्न सकृय लायन्स क्लवका प्रतिनिधी तथा अन्य लायन्स लिडरहरु सहभागी भएका थीए ।
भिडियो हेरौ
