दमक/
दमकमा शनिबार दुई ठाउँमा स्वास्थ्य शिविर भयो । त्यो पनि आयोजक एउटैको ।
एउटा ठाउँ हो दमक २ स्थित त्रीपुरेस्वर मन्दिर प्राङ्गण । अर्को चाहि दमक ४ स्थित त्रीपुरेस्वर मन्दिरमै ।
कार्यक्रम हुने स्थान एउटै भएपनि क्षेत्र चाहि फरक हो । तर संयोग यी दुवै कार्यक्रम एकै सस्थाले आयोजना गरेको हो ।
त्यो हो दमक जेष्ठ अभिभावक समाज । यसको वडागत रुपमा निर्माण भएका वडा कमिटीहरुले काम हरेक महिना यस खाले शिविर गर्ने गर्दछन् ।
यसै क्रममा शनिबार वडा नं २ र ४ को वडा समितीले दाँत र आँखा सम्बन्धीको स्वास्थ्य शिविर सम्पन्न गर्योे ।
वडा नं २ कमिटी अध्यक्ष प्रनिता पौडेललका अनुसार हरेक वर्गका नागरीकमा सहज स्वास्थ्य सेवा पुगोस भन्ने उद्धेस्यले यो शिविर गरिएको हो । यस्तै दमक ४ कमिटी अध्यक्ष सबीता पोखरेले भन्नु हुन्छ‘कतिपय जेष्ठ नागरीकको आफन्त पनि यहाँ हुनुहुन्न । उपचार गराउन जान पाइरहनु भएको थीएन । हामीले शिविर आयोजना गर्दा उहाँहरुलाई सहज भयो ।
उसो त यहाँ स्वास्थ्य परिक्षण गराउन आउनेहरु पनि अधिकांश जेष्ठ नागरीकनै थीए । गाउँमै शिविर आएकोमा उनीहरु दंग थीए । शिविर आयोजना गर्ने र शिविरमा आएर स्वास्थ्य सेवा दिने सस्थाहरुलाई उनीहरुले धन्वयाद व्यक्त गरिरहेका थीए ।
दमक २ मा सम्पन्न भएको शिविरमा दाँत तर्फ ओम शान्त्ती डेण्टल हस्पिटलको प्राविधिक सहयोग रहेको थियो । शिविरमा आउनेहरुको अतिरिक्त सुविधा लिन परेमा ओपीडीमा निशुल्क देखी अन्य उपचारमा २५ प्रतिशत सम्म छुटको व्यवस्था गरिएको अस्पतालका व्यवस्थापक कमल गैरेले जानकारी दिनु भयो ।
यस्तै दमक ४ मा आमा डेण्टल केयर प्रालिले दाँत सम्बन्धीको विज्ञ सहित लगेर शिविरमा प्राविधिक सहयोग गरेको थियो । यो शिविरमा जटिल समस्या देखिएका बिरामी क्लिनीकमै आएर उपचार गर्दा १० देखी ५० प्रतिशित सम्म छुट र एक हप्ता सम्म ओपीडीमा सत प्रतिशत छुटको व्यवस्था मिलाइएको यसका सञ्चालक अर्जुन श्रेष्ठले जानकारी दिनु भयो ।
यस्तै आँखा सम्बन्धी क्रमश बिर्ताज्योती र मेची नेत्रालयले प्राविधिक सहयोग गरेका थीए ।
भिडियो रिपोर्ट हेर्न तलको लिंकमा क्लिक गर्नुहोस ।
https://youtu.be/r9Wkn-kknlA?si=_WJ7hXhFKxs3TtJ4
