दमक/ झापामा दुई बिधामा दौड प्रतियोगिता हुने भएको छ ।पहिलो बिधा राष्ट्रिय तथा अन्तरास्ट्रिय स्तरका समेत धावक सहभागी बन्न सक्ने गरिको खुल्ला बिधा र अर्को चाहिँ स्थानीयलाई समेटिएको दोस्रो बिधा रहेको छ ।
मानवहित संरक्षण मंच नेपालले आयोजना गर्न लागेको दौड प्रतियोगिता क्रमशः १० र ५ किलोमीटर दुरीको हुने छ । असार २१ गते देखि हुने दैड प्रतियोगिताको पहिलो बिधाको प्रथम बिन्दु दमक स्थित भाटभटेनी सुपरमार्केट बाट कमलको सहिद गेट सम्म रहने छ ।
दोस्रो बिधामा भाटभटेनी देखि कमलको आदिवासी रंगशाला सम्म रहने छ । दुबै बिधामा महिला र पुरुषकालागी पुरस्कारको प्रबन्ध गरिएको छ । खुल्ला बिधा अन्तरगत महिला र पुरुष दुबै बिजेताके नगद ५० हजार नगद , ट्रफी र प्रमाणपत्र पाउने छन भने स्थानियमा पनि महिला र पुरुषकालागी पुरस्कारको ब्यबस्था गरिएको जनाईएको छ ।
स्थानीय बिधाका बिजेताले नगद १५/१५ हजार नगद ,प्रमाणपत्र र ट्रफी प्रदान गरिने छ । स्वास्थ्य भातृत्व र पर्यटन प्रबर्द्धन गर्ने उदेश्यले प्रतियोगिता आयोजना गरिएको झापाको दमकमा पत्रकार सम्मेल गरि जानकारी गराईएको छ ।
माओवादी केन्द्र दमक नगर र कमल गाउँ कमिटीको ब्यबस्थापनमा हुने प्रतियोगीताको बारेमा जानकारी दिन आयोजीत पत्रकार सम्मेलनमा दमक र कमलमा रहेका माओवादीका केन्द्रीय , प्रदेश , जिल्ला र पालिला स्थरका नेता तथा पार्टिका विभिन्न भातृ संघठनका नेतृत्वहरुको उपस्थिति रहेको थियो ।
प्रतियोगितामा सहभागी बन्न कुनै शुल्क तिर्न पर्ने छैन भने सबै सहभागीको बिमा समेत गरिने पत्रकार सम्मेलनमा जनाईएको छ । करिव ५ सयजना धावक यो प्रतियोगितामा सहभागी हुने अपेक्षा गरिएको छ ।
