साउन १४/दमक, झापामा अवैध रुपमा नदीजन्य सामग्रीको उत्खनन् अझै रोकिएको छैन । सरकारले असार, साउन र भदौ गरी तीन महिना खोलाबाट खोलाजन्य सामग्री उत्खनन् नगर्न भनेर प्रतिबन्धनै लगाएको हुन्छ । तर झापामा भने प्रतिबन्धको समेत बेवास्ता गर्दै उत्खनन् रोकिएको छैन ।
यही क्रममा बालुवा लोड गरी बुधवारेतर्फ ल्याउँदै गरेको अवस्थामा दुई वटा ट्याक्टर प्रहरीले नियन्त्रणमा लिएको छ ।
इलाका प्रहरी कार्यालय बुधबारेबाट खटिएको प्रहरी टोलीले बुद्धशान्ति गाउँपालिका-२ जयपुरस्थित तिरिङ खोलाबाट अवैध रुपमा नदीजन्य वस्तु बालुवा लोड गरी बुधवारेतर्फ ल्याउँदै गरेको अवस्थामा को २ त ५१८८ र प्र १-०१-००२ त ०११२ नम्बरको ट्याक्टरलाई नियन्त्रणमा लिएको हो ।
ती साधनलाई आवश्यक कारबाहीको लागि बुद्धशान्ति गाउँपालिकामा बुझाइएको जिल्ला प्रहरी कार्यालयले जनाएको छ ।असारदेखि भदौसम्म नदीजन्य वस्तु उत्खनन गर्न रोक लगाइएको छ ।
