दमक, २७ साउन / भुटानी शरणार्थी शिविर सहित समग्र भुटानी नेपाली सृजनात्मक गतिविधिमा सक्रिय द लिटरेरी सोसाइटी अफ भुटानको साधारणसभाले पुनः तिलक राईको नेतृत्वमा सात सदस्यीय नयाँ कार्यसमिति चयन गरेको छ ।
भुटानको सामाजिक गतिविधिका अगुवा बलराम पौडेलको प्रमुख आतिथ्यतामा दमकस्थित बेलडाँगी शिविरस्थित कार्यालयमा सम्पन्न कार्यक्रममा नयाँ समिति सर्वसहमत रुपमा चयन गरिएको छ । कार्यक्रममा प्रमुख अतिथि पौडेलले सृजनाको क्षेत्रबाट आम भूटानीलाई राजनीतिक रुपले सचेत बनाउँदै स्वदेश फर्किने भावना जागृत गराउने कुरामा समेत लाग्नुपर्ने भन्दै शुभकामना व्यक्त गर्नुभयो ।
साधारणसभाले समितिको उपाध्यक्षमा दिल भुटानी, सचिवमा वीरेन मगर, कोषाध्यक्षमा थिरु घिमिरे ‘विकल्प’ तथा सदस्यहरुमा, अविलाल राई, गनेस धिमाल, मिरादेवी घिमिरेलाई चयन गरेको छ ।
बन्दशत्रमा अध्यक्ष तिलक राईले भूटानी साहित्यको संक्षिप्त सिंहलोकन प्रस्तुत गर्नुभएको थियो । कोषाध्यक्ष थिरु घिमिरेले आर्थिक प्रतिवेदन प्रस्तुत गर्नुभएको थियो भनें विधानमा समेत छलफल गरिएको थियो ।
