दमक, भदौ २१
झापाको कमल गाउँपालिकामा रहेको कोशी प्रादेशिक आयूर्र्वेद अस्पतालले आफ्नो सेवा विस्तार गर्ने भएको छ ।
शुक्रबार अस्पतालमै पत्रकार सम्मेलन गरेर अस्पतालका निमित्त निर्देशक डा. शिदार्थ ठाकुरले विस्तार हुने सेवाहरुका बारेमा जानकारी गराउनु भएको हो ।
डा. ठाकुरका अनुसार अस्पतालमा अव एक्सरे, अन्तरङ्ग सेवा, इसिजी, भिडियो एक्सरे, जडुबुटीबाट औषधी उत्पादन, जीवन व्यवस्थापन पद्धती लगायतका कार्यक्रमहरुको उद्धघाटन गरिने छ ।
आगामी २३ गते कोशी प्रदेशका मुख्यमन्त्री हिकमत कुमार कार्कीको बाहुलीबाट यी सेवाको उद्धाटन गर्दै सो दिन अस्पतालबाट प्रवाह हुने सबै सेवालाई निशुल्क समेत बनाइने पत्रकार सम्मेलनका क्रममा डा. ठाकुरले बताउनु भयो ।
खासगरी केन्द्रिय सरकाका बिभिन्न निकायबाट यो अस्पताल सञ्चालन गर्न सहयोग प्राप्त हुदै आएको छ । स्थानीय सरकार र केहि दातृ निकायहरुले समेत गरेको सहयोगबाट अस्पतालको सेवालाई थप बिषिष्टिकृत गर्दै लगीररहिएको जनाइएको छ ।
साथै यहि अस्पतालको नेतृत्वमा प्रदेश स्तरीय आयूर्वेदीक सम्बन्धीको अध्ययन गर्न एक प्रतिस्ठान समेत गठन गरिएको समेत पत्रकार सम्मेलनका क्रममा जानकारी गराइएको छ । केहि समयपछि अस्पतालको थप स्तरउन्त्ती गर्दै यहाँ आयूर्वेद चिकित्साको अध्ययन गर्ने केन्द्र समेत बनाउने योजना रहेको जनाइएको छ ।
