दमक, २३ भदौ । आज विश्व फिजियोथेरापी दिवस । सेप्टेम्बर ८ मा यो दिवस पर्दछ । सन १९५१ बाट विश्व फिजियोथेरापी दिवस मनाउन थालिएको हो । पछिल्लो भागका दुखाई कम गर्नु यो वर्षको नारा रहेको छ ।
नेपालमा पनि सन् २००० देखि यो दिवस मनाउन सुरु गरिएको हो । दिवसको यस वर्षको नारा ‘कम ढाड दुखाइ र यसको व्यवस्थापन तथा रोकथाममा फिजियोथेरापीको भूमिका’ भन्ने राखिएको छ ।
व्यायाम गरेर र कार्यशैलीमा सुधार गरेर ढाड सहितको पछिल्लो भागको दुखाई कम गर्न सकिने दमकस्थित सीटीसी फिजियोथेरापी सेन्टरका प्रमुख फिजियोथेरापिष्ट विनोद भट्टराईले जानकारी गराउनु भयो । फिजियोथेरापीले मानिसलाई पुनर्जन्म दिने काम गर्ने उहाँको भनाई छ । विकासात्मक ढिलाई भएकाहरुको अवस्थामा सुधार्ने र अपाङ्गता कम गर्न फिजियोथेरापीको भूमिका महत्वपूर्ण हुने बताउनु भयो ।
अहिलेको पर्यावरण असन्तुलन बढेको र खानपान समेत प्रदुषित भएको अवस्थामा शरीरमा आउने समस्यामा फिजियोथेरापीको आवश्यकता अझ बढ्दै गएको देखिएको छ ।
