दमक, ९ असोज । झापाको दमक नगरपालिको ९ नम्बर वडा कार्यालयले आर्थिक विपन्न जेहेन्दार विद्यार्थीलाई छात्रवृत्ति प्रदान गर्ने कार्यक्रम अन्तर्गत बुधबार एक उराव विद्यार्थीलाई साइकल प्रदान गरेको छ ।
स्थानीय सरस्वती माद्यमिक विद्यालयमा कक्षा १२ मा अध्ययनरत विद्यार्थी कोपिला खडिया (उराव) लाई वडा कार्यालयले त्यस्तो सहयोग प्रदान गरेको हो । वडाध्यक्ष कुवरेप्रसाद भट्टराईको अगुवाईमा वडा सदस्यहरु समेत सहभागि भएर साइकल वितरण गरिएको छ । साथै उहाँलाई कक्षा १२ को शुल्क समेत प्रदान गर्ने निर्णय भइसकेको वडाध्यक्ष भट्टराईले उल्लेख गर्नुभयो ।
विगत ३ वर्षदेखि यसखाले छात्रवृत्ति कार्यक्रम सञ्चालन गर्दै आएको वडाले चालु आर्थिक वर्षका लागि सो शिर्षकमा १ लाख ५० हजार रुपैयाँ बजेट विनियोजन गरेको छ ।
