पथरी, १७ असोज /
विभिन्न व्यक्तिलाई सम्मान तथा पुरस्कृत गर्दै मोरङको पथरीशनिश्चरे—२ स्थित लर्ड बुद्ध बचत तथा ऋण सहकारी संस्थाको २२ औं साधारण सभा बिहिबार सम्पन्न भएको छ ।
संस्थाले उत्कृष्ट वचतकर्ता गंगा राई, खगेन्द्रकुमार सारु मगर, उत्कष्ट ऋण कारोबार गर्ने कमला राई, अर्जुन सेञ्चुरी र पूर्व सञ्चालक अमृता अधिकारी खत्रीलाई सम्मान पत्रले सम्मान गरेको हो ।
कार्यक्रमका प्रमुख अतिथि पथरीशनिश्चरे वडा नं-७ का अध्यक्ष उद्धवराज बस्नेत, ३ नं. वडा अध्यक्ष विजय लिम्बू, संस्थाका अध्यक्ष धनराज राई (अमीर), पूर्व अध्यक्ष दिलबहादुर तामाङ लगायतबाट सम्मान पत्र प्रदान गरिएको थियो ।
लर्ड बुद्ध साकोसले ७० वर्ष उमेर पुगेका शेयर सदस्यहरुलाई मासिक ८ सय ५० को दरले ज्येष्ठ नागरिक भत्ता वितरण गर्दै आएको छ । ज्येष्ठ नागरिक जहरमान लिम्बू लगायतलाई एकमुष्ट भत्ता वितरण गरिएको थियो ।
कार्यक्रममा कोषाध्यक्ष दोणर्बहादुर खड्काबाट आर्थिक प्रतिवेदन, सचिव महेन्द्र ढुङ्गानाबाट प्रगति प्रतिवेदन, लेखा समिति संयोजक चन्द्रप्रसाद खनालबाट लेखा प्रतिवेदन प्रस्तुत भएको थियो ।
कुल पुँजी साढे २७ करोड
लर्डबुद्धमा ३ हजार ३ सय ५२ शेयर सदस्य, ७ सय ९७ जना बाल बचत कर्ता रहेका छन् । जहाँ २७ करोड ५९ लाख ६६ हजार ५ सय८९ कुल पुँजी रहेको छ ।
जस मध्ये २ करोड ५१ लाख ५८ हजार २०० शेयर पुँजी, २२ करोड ३ लाख २९ हजार ६ सय ७२ निक्षेप रहेको छ । संस्थाले आर्थिक वर्ष २०८०/०८१ मा ३४ करोड ४० लाख ९ सय ७० शुद्ध वचत (खुद नाफां)ं रहेको आर्थिक प्रगति प्रतिवेदनमा उल्लेख छ । गत आर्थिक वर्षमा ४५ लाख १८ हजार ७ सय ७५ खुद नाफा रहेको संस्थाका व्यवस्थापक गणेश राईले बताए । संस्थाले एक वर्षमा १६ लाख ४८ हजार ७ सय ८९ रुपैया सरकारलाई कर तिरेको प्रतिवेदनमा उल्लेख छ । खुद नाफा भने गत आर्थिक वर्षभन्दा १० लाख ७७ हजार ८ सय ०५ रुपँैयाले घटेको छ । खुद नाफा घट्नुको कारण मन्दिको कारण ऋण असुली नभएको व्यवस्थापक गणेशकुमार बाछाना राईले बताउनु भयो ।
लर्ड बुद्ध साकोसले हरेक वर्ष रक्तदान कार्यक्रम, विद्यालय स्तरीय वतृत्व कला प्रतियोगिता, निम्न वर्गीय शेयर सदस्यका छोराछोरीलाई छात्रवृत्ति लगायत शैक्षित तथा समाजिक कार्यक्रमहरु गर्दै आएको छ ।
