इलाम, असोज २९
गएराति इलामको चुलाचुलीमा जंगली हात्तीको आक्रमणमा परी एक वृद्धको ज्यान गएको छ ।
राति ९.३० बजेतिर घरनजिकै रहेको धान खेतमा आएको हात्ती खेदाउन जाँदा हात्तीको आक्रमणबाट चुलाचुली- १ का ७३ वर्षीय राजकुमार राईको मृत्यु भएको हो ।
जंगली हात्तीले आक्रमण गरी सख्त घाइते बनाएका राईलाई उपचारको लागि लाइफ लाइन अस्पताल दमक लगिएकोमा उपचारका क्रममा राति १०.४० बजे मृत्यु भएको प्रहरीले जनाएको छ ।
