विराटनगर, असोज ३०
मोरङको विराटनगरस्थित एक होटलका सञ्चालकलाई ग्राहकको एउटा समूहले छुरा प्रहार गरेर घाइते बनाएको छ ।
यहाँस्थित भूमी प्रशासन चोकमा रहेको मुन होटल तथा गीत गजलका सञ्चालक दिलीपकुमार भगतमाथि खुकुरी प्रहार भएको मोरङ प्रहरीले जनाएको छ ।
खुकुरी प्रहारबाट भगतको देब्रे हात र शरीरको अन्य भागमा चोट लागेको छ । उपचारका लागि कोशी अस्पताल भर्ना गरिएका भगतको अवस्था सामान्य छ ।
गीत गजलमा भएको विवादलाई लिएर उहाँमाथि दुई जनाको समूहले खुकुरी प्रहार गरेको प्रहरीले बताएको छ ।
मंगलबार साँझ करिब ६ बजे विराटनगरका सावन दास र विनोद रायले खुकुरी प्रहार गरेको देखिएको प्रहरीले बताएको छ । छुरा प्रहार गर्नेहरु फरार रहेको र खोजी कार्य भइरहेको निमित्त प्रवक्ता प्रहरी निरीक्षक हेमराज ओलीले जानकारी दिनु भयो ।
