काठमाडौ, कार्तिक ४
तपाई सवारी साधान चलाउनु हुन्छ र लाइसेन्स कार्ड बोकेर हिडिरहनु भएको छ भने अव देखी त्यसो गर्न पर्दैन । किनकी
आजदेखि सवारीचालक अनुमतिपत्र अर्थात (लाइसेन्स) को ट्रायल पास गरेपछि चालकको मोबाइलमै लाइसेन्स आउने भएको छ।
नौ वर्षदेखि माग अनुसार कार्ड छपाइ हुन नसकेर वर्षौं कुर्नुपर्ने समस्या भएपछि सरकारले तत्कालका लागि आजदेखि नागरिक एपमार्फत मोबाइलमै डिजिटल लाइसेन्स पठाउने भएको हो।
आइतबार औपचारिक कार्यक्रम गरी बागमती प्रदेशमा नागरिक एपबाट डिजिटल लाइसेन्स वितरण गर्न लागिएको बागमती प्रदेशको श्रम, रोजगार तथा यातायात मन्त्रालयले जनाएको छ।
प्रधानमन्त्री केपी शर्मा ओलीले शनिबार आफ्नो फेसबुकमार्फत अब लाइसेन्स कार्ड आवश्यक नपर्ने व्यवस्था गरिएको बताउनु भएको थियो ।
प्रधानमन्त्री ओलीले सवारी नियम उल्लङ्घनमा जरिवाना तिर्दा हुने झन्झट पनि हटेको बताउनु भएको छ । ‘नियम उल्लङ्घनमा ट्राफिक प्रहरीले चिट काट्दा सम्बन्धित ठाउँमै डिजिटल पेमेन्ट गर्ने व्यवस्था गरिएको छ।’ उहाँले फेसबुकमा स्टाटस लेख्दै भन्नु भयो ।
बागमती प्रदेशको श्रम, रोजगार तथा यातायात मन्त्रालयले पाँच महिनादेखि नागरिक एपमा लाइसेन्स वितरणको परीक्षण गर्दै आएको थियो।
