दमक, कार्तिक ११
नेपाल लाईब्रेरी फाउण्डेशन गृह पुस्तकालय अभियान जिल्ला समिति झापाको आयोजनामा आफूले पढेका पुस्तकहरुको चर्चा तथा रचना वाचन कार्यक्रम शनिवार दमकमा सम्पन्न भएको छ ।
कार्यक्रममा दुई दर्जन भन्दा बढी स्रष्टाहरुले आफूले पढेका पुस्तकको बारेमा चर्चा गरेका थिए । पुस्तक चर्चा गर्ने साहित्यकारहरुमा प्रमुख अतिथिका रुपमा रहनु भएका हेमनाथ अधिकारीले लार्सोन को ‘अल्फ्रेड नेटवर्क अफ ईनोभेसन’,बिशिष्ठ अतिथिहरु पर्शुराम परासरले कवि बिमल अर्यालको कविता संग्रह ‘आवरण’, बिन्दु दहाल मुकदर्शकले स्पन्दन बिनोदको कविता संग्रह ‘अविरल’, शारदा पराजुलीले प्रदिप रत्न शाक्यको ‘म सडकको प्रतिबिम्व’को बारेमा चर्चा गर्नुभयो ।
त्यस्तै, साहित्यकारहरु ओमप्रसाद खनालले उमानाथ भट्टराईको महाकाव्य ‘अचल’ मेघनाथ बन्धुले निर्मल भण्डारी र मणिराज जोशीको कविता संग्रह ‘निर्मलमणि’,रामकुमार उपाध्यायले गोपाल गोड्सेको ‘गान्धि हत्या र म’, भगवती दवाडीले ओम खनालको कविता संग्रह ‘नीलो आकाश’, बिवेक क्षेत्री दुलालले अप्सरा पुडाशैनीको ‘कुकुर बेचेर कोशेली’ र वीरेन्द्र खड्काले नवरङ्ग साहित्यिक पत्रिकाको बारेमा चर्चा गरेर पठन संस्कृतिको विकासमा जोड दिदै बोल्नु भयो ।
साथै साहित्यकारहरु दुर्गा काफ्ले, गोपाल दहाल, किराँती राजा, बाशु काफ्ले र खगेन्द्र भट्टराईले शुभकामना सहित रचना वाचन गर्नुभयो ।
कार्यक्रम नेपाल लाईब्रेरी फाउण्डेशन गृह पुस्तकालय अभियान जिल्ला समिति झापाका अध्यक्ष डा. लेखनाथ न्यौपानेको अध्यक्षतामा भएको सचिव ओमप्रसाद खनालले जनाउनु भयो ।
