विराटनगर, कार्तिक २५
कोशी प्रदेशका निवर्तमान आन्तरिक मामिला तथा कानुनमन्त्री लिलाबल्लभ अधिकारी पक्राउ पर्नु भएको छ । उहाँलार्ई आइतबार दिउँसो विराटनगरबाट काठमाडौं गई प्रहरी अनुसन्धानमा सहयोग गर्न प्रहरी कार्यालय लगिँदै गरेको बताइएको छ।
प्रदेश सभा सदस्य समेत रहनु भएका उहाँलाई यती एयरलाइन्सको एटीआर विमान मार्फत काठमाडौँ लगीदैछ ।
यती एयरलाइन्स एफओएच कल साइनको उडान नम्बर-७८६ विमान मार्फत उहाँलाई अहिले सो २ बजेर ३० मिनेटको फ्ल्याइटमा काठमाडौ लैजाने मोरङ प्रहरीका एक अधिकारीले जानकारी दिनुभयो ।
जापान काण्डमा मुछिएपछि अधिकारीलाई एमालेले मन्त्रीबाट राजीनामा गराउनुका साथै पार्टीका सबै जिम्मेवारीबाट निलम्बन गरेको थियो।
उहाँले यसअघीनै आन्तरीक मामिला तथा कानुन मन्त्रीबाट राजीनामा दिदै अनुन्धानमा सहयोग गर्ने बताइसक्नु भएको थियो ।
