दमक, मंसिर ११
निन्द्रामा कहिलेकाहीँ झस्केको अनुभव गर्नु भएको छ होला । यो के भएको होला त ? यो साँच्चैमा एउटा स्वास्थ्य समस्या त हैन ! यो आम मान्छेको मनमा आउने प्रश्न हो । यो समस्यालाई यही कारणले हुन्छ भनेर अहिलेसम्म कसैले भन्न सकेको छैन ।
सामान्य भाषामा कतिपयले यस्तो मनोसामाजिक तथा मानसिक तनावका कारण हुने हुने गर्छ भनेर पनि भन्ने गर्छन् ।
कहिलेकाहीँ शारीरिक समस्याका कारण पनि निद्रामा झस्कने समस्या आउँछ । मानसिक तनाव भएका व्यक्ति वा अधिकांश चिन्तामा रहने मानिसलाई निद्राबाट झस्किएर सुत्न गाह्रो हुने गर्दछ ।
यस्तो समस्या हुँदा निद्राको बीचबीचमा बिउँझिने, डर लाग्ने, उठ्दा पसिनै पसिना हुने र श्वास फेर्न गाह्रो हुने गर्दछ ।यो समस्या पुरुषमा भन्दा महिलामा बढी देखा पर्छ ।
कहिलेकाहीँ पहिला कुनै ठूलो घटना भएको छ भने त्यसको झझल्को आएर पनि मानिसहरू निद्रामा झस्किने गर्दछन् ।
कसरी छुटकारा पाउँने ?
१) दैनिक रूपमा बेलुका सुत्ने र बिहान उठ्ने समय पनि एउटै पार्ने ।
२) सुत्ने बेलामा कफी, रक्सी, धुमपान सेवन नगर्ने ।
३) सुत्ने कोठा शान्त राख्ने साथै बेडमै बसेर टिभी हेर्ने वा पढ्ने बानी हटाउने ।
४) सुत्ने कोठामा बत्ती नबाल्ने, बाल्नु परे पनि कम चम्किलो बत्ती मात्र बाल्ने
५) चिन्ता र तनाव कम गरेर सुत्ने ।
६) दैनिक शारिरिक कसरत तथा व्यायाम गर्ने ।
७) आफूलाई दिनभर व्यस्त राख्ने
यती काम सही रूपले निन्द्रा लाग्छ र यो समस्याबाट छुटकारा पाउन सकिन्छ ।
