बिराटनगर, मंसिर १३
नेपाल प्रिमियर लिग (एनपीएल) को उद्घाटन खेल खेल्ने विराटनगर किङ्सका विदेशी खेलाडी अझै नेपाल आइसकेका छैनन्। ५ जना विदेशी खेलाडीलाई अनुबन्ध गरेको विराटनरका एक जना मात्रै विदेशी खेलाडी आइपुगेका छन्।
बाँकी खेलाडी पनि आज र भोलिमा आइसक्ने टिम म्यानेजर विजयकुमार घितालले जानकारी दिनुभयो । बुधबार बेलुका क्यानडाका निकोलस किर्टोन नेपाल आएका छन्। बाँकी तीन खेलाडी आज बेलुका आउने धितालले बताउनु भयो।
उहाँका अनुसार ओमानका अकिब इल्यास, स्कटल्यान्डका क्रिस सोल र आफगानिस्थानका इस्मत आलम बिहीबार रातिसम्ममा नेपाल आइसक्ने छन्। न्युजिल्यान्डका मार्टिन गुप्टिल भने शुक्रबार मात्रै नेपाल आइपुग्ने छन्।
सन्दीप लामिछानेको कप्तानीमा रहेको विराटनगरले बिहीबार मुलपानी क्रिकेट मैदानमा अभ्यास खेल खेल्दैछ।
