पथरी, मंसिर १४
मोरङको पथरी शनिश्चरे नगरपालिका शिक्षा युवा तथा खेलकुद शाखाको आयोजनामा नमुना विद्यालय पञ्चायत माविमा नगरस्तरीय तीनदिने पीटी (फिजिकल ट्रेनिङ) तथा विद्यार्थीको क्षमता विकासमा उत्प्रेरणामूलक कार्यक्रम सुरु भएको छ ।
पञ्चायत मावि विद्यालय व्यवस्थापन समितिका अध्यक्ष युवराज बास्कोटाको अध्यक्षतामा नगर प्रमुख मोहनप्रसाद तुम्वापोको प्रमुख आतिथ्यतामा कार्यक्रमको उद्घाटन भएको थियो ।
संविधानसभा सदस्य चण्डीप्रसाद राई, पथरीशनिश्चरे नगरपालिका १ नं. वडाअध्यक्ष भीमकुमार राई लगायतले शुभकामना मन्तव्य व्यक्त गर्नुभएको कार्यक्रममा संगीतसहितको पीटी मा २८ वटा विद्यालयबाट आएका करिव ५ सय विद्यार्थी र रहेक स्कुलका २ भन्दा बढी पीटी शिक्षकहरु सहभागी भएको आयोजक पञ्चायत माविका प्रधानाध्यापक अर्जुनकुमार बुढाथोकीले बताउनु भयो ।
१ नम्बर वडा कार्यालयको आर्थिक सहयोगमा कार्यक्रम सञ्चालन भएको हो ।
