दमक, मंसिर १४
गर्भवतीले नियमती स्वास्थ्य परीक्षण गराउँदा आफ्नो स्वास्थ्य स्थिती कस्तो छ भन्ने त थाह पाउँछन् नै तर त्यो भन्दा अर्को लोभ लाग्दो सुविधा झापाबाट सुरु भएको छ । त्यो हो आठपटक नियमित गर्भजाँच गराउने महिलाले प्रोत्साहनस्वरुप दुई हजार रुपैँया पनि पाउने छन ।
यो काम चाहि झापाको हल्दिबारी गाउँपालिकाले सुरु गरेको छ । यहाँ गर्भवतीलाई नगदसहित निःशुल्क एम्बुलेन्स र प्रयोगशाला सुविधा उपलब्ध गाउँपालिकाले जनाएको छ ।
गाउँपालिका अध्यक्ष रवीन्द्र लिङ्देनका अनुसार स्वास्थ्य संस्थामा सुत्केरी हुन प्रोत्साहन गर्ने उद्देश्यले पालिकाले ‘सुरक्षित प्रसूति प्रोत्साहन कार्यक्रम’ सञ्चालन गरेको हो । यसबाट विपन्न महिलालाई सहयोग पुगेको छ ।
पालिकाभरि निःशुल्क एम्बुलेन्स सेवा उपलब्ध गराउनका साथै पालिका बाहिर जानुपरेमा ५० प्रतिशत छुटका व्यवस्था भएको छ भने निःशुल्क प्रयोगशाला सुविधा दिँदै आएको छ । गत आर्थिक वर्षमा सुरक्षित प्रसूति प्रोत्साहन कार्यक्रमअन्तर्गत चार लाख २९ हजार खर्च भएको छ ।
