दमक, मंसिर १७
दमक नगरपालिकाका प्रमुख राम कुमार थापाको नेतृत्वमा हिडेको यो टोली कुनै नयाँ योजनाको अनुगमन तथा निरिक्षणमा होईन । यो आफ्नो नगरभित्र व्यापार गरेर बसेका तर समयमा कर नतिरेका व्यापारी खोज्दै हिडेको हो ।
केहि दिन अघी नगरको कार्यपालिकाको बैठकमा यसरी कर नतिर्ने व्यापारीबाट कर असुल गर्ने र तिर्न अटेर गर्नेहरुको पसलनै सिल गर्ने भन्ने निणर्य गरेपछि नगरपालिकाका प्रमुख, उप प्रमुख रेगिना भट्टराई प्रशासाई , प्रमुख प्रशाषकीय अधिकृत गणेश कुमार कार्की सहित राजस्व शाखाका कर्मचारीको टोली कर उठाउन भन्दै पसल पसल पुगेको छ । यसरी पसल पुगेका जनप्रतिनिधी, राजस्वका कर्मचारीहरुले सबैखाले पसल छान मार्दा लामो समय देखी कर नतिरी व्यापार गरेकाहरुलाई एक हप्ताभित्रमा आफ्नो बक्यौता कर तिर्न लिखित कागज गराइरहेको थियो ।
पटक पटकको सुचना प्रशारण, प्रकाशन तथा ताकेता गर्दा पनि अटेर गरेका व्यापारीहरु माझ यसरी अभियाननै चलाएर कर संकलन गर्नु परेको दमक नगर प्रमुख थापाले बताउनु भयो । नगरपालिकाले करको दर नबढाई दायरा बढाएर कर संकलन गर्ने र संकलीत रकमबाटै नगरको विकास गर्ने भन्दै यो अभियान चलाइएको उहाँको भनाई छ । लामो समय देखी कर तिर्न बक्यौता रहेका व्यापारीहरुलाई आज चेतावनी पत्र दिदै एक हप्ता भित्रमा बक्यौता नतिरे ती पसलहरुमा नगरपालिकाले ताला लगाउने गरि अभियान चलाएको उहाँको भनाई छ ।
नगरपालिकाले चलाएको यो अभियानका बारेमा व्यापारीहरुले भने मिश्रीत प्रतिकृया दिएका छन । दमक १ मा व्यवसाय गरिरहनु भएका बोधराज आचार्यले अभियानलाई सकरात्मक लिनु भएको छ । करबाटै नगरपालिकाले पनि चल्नुपर्ने भएको र कर तिर्नुपर्ने सबैको दायीत्व रहेको यसरी अभियान चलाइनु आवश्यकीय रहेको उहाँले उल्लेख गर्नु भयो ।
यस्तै यही ठाउँमा व्यवसायी गरिरहनुभएकी चन्दा नुमा पतङवा शेर्माले अभियान राम्रै भएपनि आजको आजै तिर भन्ने गरी दवाव दिनु चाहि अली अव्यवहारीक रहेको प्रतिकृया दिनु भयो ।
दमक नगरपालिकाले पूष मसान्त भीत्रमा कर तिर्नेहरुलाई १० प्रतिशत छुटको व्यवस्था गरेको छ । सो छुटको समेत फाईदा उठाउँदै समयमै कर तिरी नगरको विकास र समृद्धिको साझेदार बन्न अपील गरेको छ । अभियानमा नगरपालिकाका जनप्रतिनिधी, कर्मचारी, नगर प्रहरी रहेपनि यहाँका उद्योगी व्यवसायीसग जोडीएको भएपनि यहाँका व्यवसायीहरुको छाता संगठन दमक उद्योग वाणिज्य सघंका पदाधीकारी भने यो अभियानमा देखिएका थीएनन ।
