दमक, पुस ६
इसाई धर्मावलम्बीहरुले मनाउने क्रिसमस डे मनाउने तयारी यो बेला भइरहेको छ । क्रिश्चिन धर्मावलम्बीले विश्वभर डिसेम्बर २५ का दिन पर्ने क्रिसमस डे मनाउने तयारी गरिरहेका छन् । सो अवसरमा दमकमा रहेका इसाई धर्मावलम्बीहरुले इसाई समाजमार्फत आइतबार (भोलि ) दमकमा र्याली निकालेर सभाको आयोजना गर्दै शुभकामना आदान प्रदान गर्ने कार्यक्रम राखेका छन् ।
क्रिसमस डे को कार्यक्रमको तयारीका सम्बन्धमा उज्जालो खबरको ‘उज्यालो संवाद’ कार्यक्रममा इसाई समाज कोशी प्रदेशका सल्लाहकार, अन्तरधार्मिक शान्ति सञ्जाल झापाका अध्यक्ष, दमक नगर इसाई समाजका सल्लाहकार, दमक २ स्थित गुड न्यूज चर्चका पास्टर एवम् सामाजिक अभियन्ता राजकुमार नाछिरिङ राईसँगको कुराकानी प्रस्तुत गरिएको छ ।
इसाई धर्मका प्रवद्र्धक यशु ख्रिष्टको जन्मदिवसका रुपमा मनाइने क्रिसमस डे को कार्यक्रमले समाजमा शान्ति, धार्मिक सहिष्णुता, सद्भाव बढाउन मद्धत पुग्ने उहाँले विश्वास व्यक्त गर्नुभएको छ । असल काममात्र गरौं भन्ने यसको मूलमर्मले देशमा असल काम गरेर समृद्धि पहिल्याउने काममा मद्धत पुग्ने उहाँको विचार छ । हेरौं उहाँसँगको संवादको यो भिडियो ः
