काठमाडौ , माघ ६
राजनीतिक पार्टीले पनि अब पब्जी जस्ता अनलाइन गेमहरू खेलाउँदै युवाहरूलाई आकर्षित गर्न थालेका छन् ।
नेकपा एमालेको सुनसरी काठमाडौ सम्पर्क मञ्च, च्यासलले शनिवारका एकदिन बृहत् कार्यक्रमसहित अनलाइन खेल पबजी च्याम्पियनशिप २०८१ सम्पन्न गरेको छ ।
जम्मा सातवटा टिम प्रतियोगिताम सहभागी भएका थिए । जसमा टिम रोहित प्रथम, टिम हातमा लड्डु द्वितीय बन्नु भएको थियोे भने मोस्ट किलर रोहित श्रेष्ठलाई घोषणा गरिएको थियो ।
प्रथम तथा द्वितीय भएका टिमलाई क्रमशः रु ५०० हजार र ३०० नगदले पुरष्कृत गरिएको मन्चका सचिव एसआर शर्मालेजानकारी दिनु भयो ।
नेकपा एमाले स्थायी कमिटी सदस्य लालबाबु पण्डितको प्रमुख आतिथ्यमा सम्पन्न प्रतियोगितामा पार्टीका केन्द्रीय कमिटी सदस्य नरेन्द्र श्रेष्ठ, सम्पर्क समन्वय कमिटी संयोजक श्याम बस्नेतलगायत विभिन्न कमिटी, विभाग, प्रदेश र जिल्लाका नेता तथा कार्यकर्ताको उपस्थिति रहेको थियो ।
पब्जी प्रतियोगिताका साथमा सामाजिक सञ्जाल र ए आईले पारेको सामाजिक प्रभाव र चुनौती विषयक अभिमुखीकरण तथा विद्यार्थीसम्मानको पनि कार्यक्रमको आयोजना गरिएको थियो ।
विजेतालाई बधाई दिँदै प्रमुख अतिथि क.लालबाबु पण्डितले अब हरेक पार्टीले युवालाई देशमा सुनौलो भविष्य देखाइराख्नका लागि उनीहरूका इच्छा, र रुचिलाई ध्यान दिनुपर्ने उल्लेख गर्नु भयो ।
सुनसरी काठमाडौँ सम्पर्क मञ्चले अन्य मञ्चभन्दा फरक युवामैत्री कार्यक्रमको आयोजना गरेकामा उहाले प्रशंसा समेत गर्नु भएको थियो ।
त्यसैगरी मञ्चका अध्यक्ष रमेश विष्टले अबका हरेक कार्यक्रमहरु युवा, महिला र उद्यमशीलतामा केन्द्रित भई गरिने प्रतिबद्धता गर्नु भएको थियो ।
कार्यक्रमको जानकारी दिँदै मञ्चका सचिव एसआर शर्मा नेपालले अबका मञ्चलाई आइटीसँग जोडी पेपरलेस मेकानिज्ममार्फत् हरेक राजनीतिक जमात्, शुभेच्छुक र युवा पुस्तालाई राष्ट्रमा आशाको दीयो देखाउने कार्यक्रम गर्ने संयन्त्रका रूपमा विकास गर्दै लैजाने पनि उल्लेख गर्नु भयो ।
