दमक, माघ ९
खैनिको प्याकेट भित्र राखिएको प्रतिबन्धित लागु–औषध ब्राउन सुगर सहित झापामा एक महिला पक्राउ परेकी छिन ।
मेचीनगर नगरपालिका वडा न. १३ बस्ने बर्ष २५ की लुबी कामाइलाई उनकै घरबाट पक्राउ गरिएको जिल्ला प्रहरी कार्यालय झापाले जनाएको छ ।
घरमा लागुऔषध बेचबिखन भइरहेको भन्ने गोप्य सुचनाको आधारमा प्रहरी चौकी चारआलीबाट खटिएको प्रहरी टोलिले निजको घरमा खानतलासी लिदा लुबी सुत्ने कोठाबाट खैनिको प्याकेट भित्र राखिएको प्रतिबन्धित लागु–औषध ब्राउन सुगर प्लाष्टिक सहित भेटिएको प्रहरीले जारी गरेको प्रेस नोटमा उल्लेख गरिएको छ ।
लुबीको कोठाबाट ब्राउन सुगर प्लाष्टिक सहित ६३० मिलिग्राम, प्लाष्टिक बाहेक ४६० मिलिग्राम फेला परेको हो ।
पक्राउ गरीएका लागु औषध र महिलालाई इलाका प्रहरी कार्यालय धुलाबारी राखी थप अनुसन्धान कार्य जारी रहेको जिल्ला प्रहरी कार्यालय झापाका प्रवक्ता प्रहरी नायव उपरिक्षक कृष्ण कुमार चन्दले जानकारी दिनुभयो ।
