दमक, माघ १०
चिसो बढेपछि पूर्वीतराईका स्थानीय तहले विद्यालयमा बिदा दिन थालेका छन्।यसै क्रममा सुनसरीका इटहरी उपमहानगरपालिका र दुहवी नगरपालिकाले आफ्नो क्षेत्रका सामुदायिक, धार्मिक तथा निजी विद्यालयमा दुई दिन बिदा गरेका हुन्।
केही दिनयता चिसो र शीतलहर बढेपछि यही माघ १० र ११ गतेका लागि विद्यालय बन्द गर्ने निर्णय यी पालिकाहरुले गरेका छन् ।
अत्यधिक चिसोका कारण विद्यालयमा पठनपाठन गर्न गाह्रो भएकाले बिहीबार र शुक्रबार बिदा दिइएको जनाइएको छ ।
अहिले पूर्वि तराईका क्षेत्रमा अत्याधीक चिसो बढ्न थालेको छ । बिहान बाक्लो हुस्सु र शितलहर समेत पर्न थालेपछि बालबालिकाको स्वास्थ्यलाई मद्यनजगर गर्दै विद्यालय बन्द गराउने निर्णय भएका छन् ।
यो क्रम अझै बढेमा बिदाको अवधि अझै थप्न सकिने पालिकाका अधिकारीहरुले प्रतिकृया दिएका छन् ।
