फुङ्लिङ, फागुन ९
पाथीभरा क्षेत्रमा तनाव बढ्दै गएपछि सवारी चालक मजदूर संघले ताप्लेजुङ बन्दको घोषणा गरेको छ ।
ताप्लेजुङको काफ्लेपाटी तर्फ स्वास्थ्यकर्मी लिएर जाने क्रममा केबलकार खारेजी पक्षले चालकमाथि कुटपिट गरेको भन्दै संघले बन्दको घोषणा गरेकाे हो ।
नो केबलकार समूहका पक्षधर र सुरक्षाकर्मीबीच बिहीबार दिउँसो काफ्ले पार्टी क्षेत्रमा झडप भएको थियो । उक्त झडपमा सशस्त्र प्रहरी, नेपाल प्रहरी र आन्दोलनकारी पक्षका केही व्यक्ति घाइते भएका थिए ।
सोहीक्रममा पाथीभरामा आउने काफ्लेपाटी तर्फ स्वास्थ्यकर्मी लिएर जाँदै गरेको मे १ ज २५७९ नं. को सवारी साधनमाथि आन्दोलनकारीले आक्रमण गरेको विज्ञप्तीमा उल्लेख गरिएको छ ।
