दमक नगरको १६ औं नगरसभा, ७ महिनामा ३१.५ प्रतिशत वित्तीय प्रगति (प्रत्यक्ष प्रशारणसमेत)

दमक, फागुन १८
झापाको दमक नगरपालिकामा चालु आर्थिक वर्षको ७ महिनाको अवधिमा ३१.५ प्रतिशत वित्तीय प्रगति भएको छ ।

हिउँदे अधिवेशनका रुपमा आइतबार सुरु दमक नगरको १६ औं नगससभामा बोल्दै नगर प्रमुख रामकुमार थापाले माघ मसान्तसम्म पुजीँगततर्फ २६ र चालुतर्फ ३७ प्रतिशत गरी कुल ३१.५ वित्तीय प्रगति भएको जानकारी गराउनु भयो । उहाँले हालसम्म ४४.५१ आय भएको पनि जनाउनु भयो ।

नगर प्रमुख थापाले राजस्वको प्रक्षेपण गरे अनुसार राजस्व उठ्न नसकेको अवस्था समेत दर्शाउनु भयो । नगरका योजनाहरु समयमै सम्पन्न गर्न र समयमै भूक्तानी गर्न चुनौती रहेको पनि उहाँले उल्लेख गर्नुभयो ।

कार्यक्रममा बजेट तर्जुमा समिति संयोजक रेगिना भट्टराई प्रसाईले विनियोजन ऐन र आर्थिक विधेयक संशोधनकालागि प्रस्तुत गर्नुभयो ।

प्लाष्टिकजन्य बस्तु प्रयोगमा प्रतिवन्ध गर्न बनेको विधेयक वातावरण समिति संयोजक टेकबहादुर थापाले प्रस्तुत गर्नुभयो ।

यसैगरी, पूर्वाधार समिति संयोजक भीमप्रसाद पौडेलले पूर्वाधार विधेयक संसोधनकालागि पेश गर्नुभयो । शिक्षा समिति संयोजक कुवेरप्रसाद भट्टराईले आधारभूत तथा माद्यामिक शिक्षा ऐनलाई संशोधन गर्न बनेको विधेयक प्रस्तुत गर्नुभयो । सहकारी ऐनलगायतका ऐनहरु समेत संशोधनकालागि पेश गर्दै छलफल गरिएको थियो ।

https://fb.watch/y3ZAzhk12q/