दमक, चैत १४/ ‘भेष भुषा रहन–सहन आदिवासीहरुको पहिचान हुन्, आदिवासीहरुको भाषा सस्कृति राष्ट्रका सम्पत्ती हुन्’ भन्ने मुल नारा सहित दमकमा आदिवासी जनजाती सांस्कृतिक महोत्सव हुने भएको छ । यहि चैत २१ बट सुरु हुने यो महोत्सवमा राष्ट्रिय कलाकार सहित विभिन्न जात जातीका झाँकी, नृत्य र सांस्कृतिक प्रस्तुति हुने छन् ।
बिभिन्न पोशाक, परिकार र व्यापारिक स्टलहरुको अवलोकन तथा साँझको समयमा साङ्गीतिक कार्यक्रम हुनेछ । महोत्सवमा गायिका ज्योती मगर सहित अन्य चर्चित राष्ट्रिय कलाकार प्रमुख आकर्षक रहने छन् ।
नेपाल आदिवासी जनजाति महासंघ दमक नगर समन्वय परिषदले बिहीबार दमकमा पत्रकार सम्मेलन गर्दै महोत्सवको तयारीका बारेमा जानकारी दिएको हो ।
पत्रकार सम्मेलनमा बोल्दै महासंघ दमकका अध्यक्ष अम्बरबहादुर कुमालले दमकमा ३५ जातिहरुको बसोबास रहेको र ती जातीहरुको संस्कार, संस्कृति, रहनसहन, खानपान र भेषभुषाको पहिचान गराउँदै संरक्षण सम्वद्र्धन गर्न महोत्सव आयोजना गरिएको जानकारी दिनुभयो ।
महोत्सवमा पूर्वमा रहेका बिभिन्न पर्यटकीय क्षेत्रहरुको समेत पहिचान गराउँदै पूर्वमा भएको औद्योगिक विकास, व्यापार व्यवसाय र सीपकलाहरुको प्रदर्शन गर्दै प्रचार गर्ने समेत लक्ष्य राखिएको जनाइएको छ ।
महोत्सवमा आदिवासी जनजातिहरुको लोक नृत्य प्रतियोगिता, दैनिक दुईवटा जातिहरुको संस्कार र संस्कृति पहिचान हुनेगरी क्रियाकलाप, आदिवासी जानजातिहरुको ज्ञान सीप कलाहरुको उत्पादित वस्तुहरुको प्रर्दशनी तथा बिक्री स्टल समेत रहने पत्रकार सम्मेलनमा जनाइएको छ ।
