दमक, चैत १९ / घृतकौशिक गोत्रीय प्रतिष्ठान माइधाम झापाले वार्षिक साधारणसभा र नवौ अधिवेशन एकैसाथ सम्पन्न गरेको छ । जसबाट विष्णुप्रसाद बराललाई अध्यक्ष चुनेर नयाँ कार्यसमिति चयन समेत गरिएको छ ।
साधारण सभाले आगामी तिन वर्षका लागि अध्यक्षमा बरालसहितको कार्यसमिति सर्वसहमत रुपले चयन गरेको छ । समितिको उपाध्यक्षमा योगराज खनाल र नेत्रप्रसाद बराल, महासचिवमा खगेन्द्र बराल, सचिवमा सूर्यप्रसाद नेपाल, कोषाध्यक्षमा सुशीला बराल चुनिनु भएको छ । सदस्यहरुमा ओमप्रसाद खनाल, नरेन्द्र बराल, कल्पना खनालभुपाल नेपाल र दिननाथ खनाल चयन हुनु भएको छ । सभाले सोमनाथ बराल संयोजक रहनेगरि तीन सदस्यीय लेखा समिति पनि गठन गरेको छ । जसमा खेमराज खनाल र कमला नेपाल सदस्य रहनु भएको छ ।
कार्यक्रम कोशी प्रदेशका प्रदेशसभा सदस्य राधाकृष्ण खनालको प्रमुख आतिथ्यता र प्रतिष्ठानका पूर्व अध्यक्ष वेदनिधि नेपालको बिशिष्ठ आतिथ्यतामा सम्पन्न भयो । घृतकौशिक प्रतिष्ठानका केन्द्रीय अध्यक्ष चन्द्रप्रसाद खनालले प्रस्तुत गर्नुभएको वार्षिक प्रतिवेदन र कोषाध्यक्ष सूर्यप्रसाद नेपालले प्रस्तुत गर्नुभएको आर्थिक प्रतिवेदनलाई साधारण सभामा पारित गरिएको थियो ।
कार्यक्रममा खनाल सेवा समिति झापाका अध्यक्ष तेजप्रसाद खनाल, नेपाल वंश परिषद झापाका कार्यवाहक अध्यक्ष गंगाराम नेपाल, बराल वंश परिषदका उपाध्यक्ष धर्म बराल, सुतार कार्की वंश सेवा समाज झापाका अध्यक्ष बृषबहादुर कार्की, सरस्वती कन्या गुरुकुल शिवशतासीकी प्राचार्य विन्दा बराल लगायतले शुभकामना मन्तव्य व्यक्त गर्नुभयो ।
