दमक, चैत १९ / हास्य शो ले यतिबेला दर्शक गजबले तान्ने गरेको छ । स्ट्याण्ड अफ कमेडीको प्रभाव बढ्दो छ । राजनीतिक बृत्तमा हुने गरेका स्वार्थ केन्द्रित गतिविधिले समेत हास्य खुराक बलियो बनेर कार्यक्रमको प्रभाव बढ्दो अवस्थामा पुगेको देखिन्छ ।
आफ्ना खुराकका लागि देशमा बढेको अस्थिरताको पक्षमा भनें कलाकारहरु पटक्कै छैनन् । बरु त्यस्तो अस्थिरतालाई चिर्ने काममा आफ्नो पाटोबाट समेत योगदान गर्न हास्य शो प्रस्तुतिका निर्देशक विशाल भण्डारीले ‘कमेडी च्याम्पियन्स’ लाई नयाँ सिजनमार्फत प्रत्येक मंगलबार प्रस्तुत गर्ने क्रम आजबाट जोड्दै हुनुहुन्छ । तर अब कार्यक्रमको नाम भनें ‘कमेडी नाइट विथ च्याम्पियन्स’ हुनेछ । जसकालागि ६० लाख माथिको खर्चमा भव्य सेट निर्माण गरिएको छ । निर्देशक भण्डारीले दर्शकमाझ नयाँ सिजन ल्याएर आउन लाग्दा आफू एकदमै उत्साहित रहेको प्रतिक्रिया दिनु भएको छ ।
शो हिमालय टिभीमा हरेक साताको मंगलबार राती ९ बजे र युट्युबमा ओएसआर रियालिटी च्यानलबाट प्रसारण हुनेछ । शो लाई थ्री प्रोडक्सनले निर्माण गरेको हो ।
शो मा अध्यक्षको रुपमा उनै दीपाश्री निरौला देखिनु हुनेछ । शो मा कमेडी च्याम्पियनबाट उष्कृष्ठ बनेका कमेडियनहरुले कार्यक्रम प्रभावकारी बनाउँदै आएका छन् । प्रभात लामा, भरतमणि पौडेल, सुमन कार्की, मेक्सम गौडेल र सुमन कोइराला, कैलाश कार्की, सन्तोष थापा, पवन भट्टराई, सजन श्रेष्ठले शोमा हास्य प्रस्तुति दिनुहुनेछ ।
