मोरङको विराटनगर महानगरपालिकाका एक पुरुषले ब्लेडले रेटेपछि अस्पताल भर्ना हुनु परेको छ ।
विराटनगर–१५ का ५० वर्षीय बलराम चौधरीले ब्लेडले आफ्नै घाँटी काटेका हुन् ।
आज (बिहीबार) बिहान ब्लेडले आफ्नै घाँटी काटेपछि उनी गम्भीर घाइते भएका छन् । घाँटी काटेर रक्ताम्य अवस्थामा परिवारले देखेपछि उनलाई उपचारका लागि कोसी अस्पताल पुर्याइएको थियो ।
अवस्था गम्भीर भएका कारण चौधरीलाई थप उपचारका लागि नोबेल शिक्षण अस्पताल लगिएको छ । जिल्ला प्रहरी कार्यालय मोरङका प्रहरी नायव उपरीक्षक दीपक श्रेष्ठका अनुसार ब्लेडले काटेको ठाउँबाट अहिले रगत बगिरहेको छ ।
घाँटी काटेर चौधरीले आत्महत्याको प्रयास गरेको हुन सक्ने प्रवक्ता डिएसपी श्रेष्ठले बताए । चौधरीले आफ्नै घाँटी काट्नुपर्ने कारण खुल्न बाँकी रहेको बताउँदै उनले घटनाका बारेमा अनुसन्धान थालिएको जानकारी दिए ।
