दमक, २७ जेठ । पछिल्लो समय बालबालिकामा देखिएका र देखिन सक्ने दन्त सम्बन्धीका समस्याको पहिचान र त्यसलाई कसरी समाधान गर्ने भन्ने बारेमा जानकारी गराउन विभिन्न ठाउँमा दन्त शिविर सञ्चालन हुदैँ आएका छन् ।
शरीरको अन्य भागको जस्तै दाँतको पनि निकै महत्व हुन्छ । तर, पर्याप्त ज्ञान र चेतनाको अभाबले गर्दा अहिले दन्त सम्बन्धी समस्या बढ्दो छ ,विशेष गरि बालबालिकामा ।
यसै विषयलाई मध्यनजर गर्दै झापाको दमकमा रहेको ग्लोबल एजुकेशनल एकेडेमीले सोमबार एकदिने निशुल्क दन्त शिविर आयोजना ग¥यो । ऊँ शान्ति डेन्टल केयरको प्राविधिक सहयोगमा सम्पन्न भएको सो शिविरमा १ देखि १० सम्मको १३०० जना विद्यार्थीको दन्त परीक्षण गरिएको थियो ।
ग्लोबल एजुकेशनल एकेडेमीमा अध्यनरत कक्षा ९ की छात्रा सुस्मिता भट्टराई, यो दन्त शिविरले गर्दा आफ्नो दाँतमा भएका समस्याको बारेमा थाहा भएको र त्यसको ध्यान कसरी गर्न सकिन्छ भन्ने बारेमा बुझेको भन्दै यसरी अस्पताल नै नगई आफ्नै विद्यालयभित्र निशुल्क दन्त परीक्षण गरेकोमा विद्यालय र ऊँ शान्ति डेन्टल प्रति धन्यवाद व्यक्त गर्नुहुन्छ ।
शिविरमा सेवा दिन आउनुभएकी ऊँ शान्ती डेन्टलमा कार्यरत डा. शायरा ढकालले बालबालिकालाई दाँतको स्याहार कसरी गर्ने र दाँत स्वस्थ्य राख्न विद्यार्थीहरुलाई सिकाएको बताउनुभयो ।
सरकारी तथा बोर्डिङ स्कुलमा यस खाले शिविर गर्दै आएको र आगामी दिनमा पनि विद्यालयहरुसँग सहकार्य गर्दै जाने ऊँ शान्ति डेन्टलका सञ्चालक कमल प्रसाद गैरेले बताउनुभयो ।
विद्यालयका प्रधानाध्यपक गुणराज अधिकारीले बालबालिकामा देखिएका साना साना समस्याको प्राथमिक उपचारका साथै भविष्यमा देखा पर्ने समस्याका बारेमा पनि ज्ञान पाएका बताउनुभयो ।
विद्यालयमा हुने यस किसिमको शिविरले बालबालिकाको स्वास्थ्य संगसंगै उनीहरुमा देखापर्ने समस्यामा पनि चेतना आउने विद्यालयले विश्वास लिएको छ ।
https://www.facebook.com/share/v/12Lc7PXHiET/
