गौरिगञ्ज/
झापाको गौरीगञ्ज गाउँपालिका वडा नम्बर ३ ले वडाका जेष्ठ नागरिकहरुलाई तिर्थ भ्रमण गराएको छ ।
आज वडा कार्यालय परिसरमा आयोजित एक कार्यक्रमका बिच वडाका ३० जना जेष्ठ नागरिकहरुलाई बिदाई गरिएको थियो । वडाध्यक्ष मखना महतोका अनुसार ति जेष्ठ नागरिकहरुलाई ईलामस्थित पाथिभरा मन्दिरको दर्शनका लागि पठाईएको हो ।
कार्यक्रममा वडाध्यक्ष महतोले आफुले निर्वाचन ताका गरेको प्रतिबद्धता अनुसार बिभिन्न कामहरु गरेको र जेष्ठ नागरिकहरुलाई भने सदैब श्रद्धा र सम्मान गरिरहेको उल्लेख गर्नुभयो । उहाले जेष्ठ नागरिकलाई खुसी राख्न सके मात्र धर्म मिल्ने बताउनुभयो ।
उहाका अनुसार वडाका जेष्ठ नागरिकहरुलाई आज एक दिनका लागि तिर्थ भ्रमण गराईएको हो ।
यस्तै वडाले आजै वडाभित्र रहेका अपाङ्गता भएका ब्याक्तीहरुलाई न्यानो कपडा समेत बितरण गरेको छ । सोही अवसरमा वडाध्यक्ष महतोले अपाङ्गता भएका ब्याक्तीलाई समाजमा हेर्ने दृष्टिकोण परिवर्तन गर्न जरुरी रहेको धारणा राख्नुभयो ।
कार्यक्रममा गाउँपालिकाका अध्यक्ष बाबुराजा श्रेष्ठ, प्रमुख कार्यकारी अधिकृत सन्तोस श्रेष्ठ लगायतको उपस्थिती रहेको थियो ।
