दमक, भदौ १४ । चुलाचुली–५ की ४८ वर्षीया शुसिला राईको हात पाँच महिनाअघि लडेर भाँचिएको थियो। आर्थिक अभावका कारण उहाँ अस्पताल जान नसकेर घरेलु जडिबुटीकै भरमा उपचार गर्दै आइरहनु भएको थियो । तर समयसँगै दुखाई झनै बढ्दै गयो । दुखाईकै कारण जिउने आशा नै हराउदै गएको कुरा यसरी सम्झिनुहुन्छ ।
समय बित्दै गयो स्थानीयको सहयोग जुट्न थाल्यो त्यसपछि थप उपचारका लागि उहाँलाई दमक स्थित निम्स नेसनल हस्पिटल ल्याइयो। शुसिलाको अवस्था सामान्य थिएन। हातको हड्डी पाँच महिनासम्म नजोडिएको र समयमै उपचार नपाएको कारण पुनः हड्डी जोड्ने सम्भावना न्यून थियो। यद्यपि, निम्स नेसनल हस्पिटलका हाडजोर्नी विशेषज्ञ डा. नविन कुमार सिंह नेतृत्वको टिमले बाहिरी स्रोतबाट हड्डी ल्याएर जटिल शल्यक्रिया गर्दै टुटुको हड्डीलाई जोड्न सफल भयो । यसलाई मेडिकल भाषमा बोन ग्राफ्टिङ भनिन्छ ।
निम्स नेसनल हस्पिटलले पुनः एकपटक प्रमाणित गरेको छ कि, समयमै उचित उपचार नपाएका बिरामीहरूका लागि समेत यहाँ गुणस्तरीय स्वास्थ्य सेवा सम्भव छ। अस्पतालले यस्ता गम्भीर अवस्थाका बिरामीलाई विशेष प्राथमिकता दिने गरेको छ।
