काठमाण्डौं,२३ असोज। गृहमन्त्री ओमप्रकाश अर्यालले सुरक्षा निकायका प्रमुखहरूसँग छलफल गर्नु भएको छ । बिहीबार सिंहदरबारस्थित मन्त्रालयमा तीनवटै सुरक्षा निकायका प्रमुखसँग मन्त्री अर्यालले छलफल गर्नु भएको हो।
छलफलमा नेपाल प्रहरीका प्रमुख प्रहरी महानिरीक्षक चन्द्रकुवेर खापुङ, सशस्त्र प्रहरी बलका प्रमुख सशस्त्र प्रहरी महानिरीक्षक राजु अर्याल र नेपाली सेनाका प्रतिनिधिहरू सहभागी हुनु भएको थियो ।
छलफलमा पछिल्लो राजनीतिक घटनाक्रम र विपद् व्यवस्थापनबारे कुराकानी भएको स्रोतले बताएको छ। यसका साथै अहिलेको सुरक्षा चुनौतीबारे पनि छलफल भएको बताएको छ ।
