काठमाण्डौं,२५ असोज।जेनजीका प्रतिनिधिबीच सहभागिताका लागि विवाद भएपछि राष्ट्रपति रामचन्द्र पौडेलले शनिबार आह्वान गरेको बैठक स्थगन गरिएको स्रोतले जनाएको छ। प्रधानमन्त्री सुशीला कार्कीसहित शीतल निवासमा आयोजित छलफलमा को–को सहभागी हुने भन्ने विषयमा जेनजी युवाबीच मतभेद भएपछि राष्ट्रपतिले बैठक स्थगन गर्नु भएको हो।
वार्ताका लागि सुदन गुरुङको टोली शीतल निवास छिरेपछि बाहिर रहेका जेनजी युवाहरूले नाराबाजी गरेका हुन्। त्यसपछि छलफल सोमबारका लागि सारिएको राष्ट्रपतिको सचिवालयले बताएको छ। अब सोमबार दिउँसो ३ बजे छलफल हुने भएको छ। भदौ २३ र २४ गतेको भएको जेनजी आन्दोलनको खास नेतृत्वकर्ता नहुँदा नेतृत्व दाबीका लागि युवाहरूबीच विवाद भएको छ।
ककसलाई जेनजीका प्रतिनिधि मान्ने भन्ने अन्योल हुँदा सरकार पनि अप्ठेरोमा परि रहेको छ। यद्यपि आन्दोलनयताका हरेक वार्तामा सुदन गुरुङ अगाडि सरिरहेक स्रोतले जनाएको छ ।
