दमक, २५ असोज । झापाको दमकमा हत्या भएका व्यक्तिको पहिचान अझै खुल्न नसकेको प्रहरीले जनाएको छ ।
हिजो दमक –७ स्थित पशुहाटमा पशु राख्ने टहरामा गाईवस्तुले पानी खाने नालीभित्र नामथर वतन नखुलेका अन्दाजी ५० बर्षका पुरुषको शव फेला परेको थियो। उनको दाहिनेपट्टीको गालामा धारिलो हतियार प्रहार भएको देखिएको प्रहरीले जनाएको छ ।
इलाका प्रहरी कार्यालय दमकका डीएसपी रामप्रसाद तिमल्सिनाले मृत्यु शंकास्पद देखिएको बताउँदै मृतकको पहिचान खुलिनसकेको जानकारी दिनु भयो ।कानुनी प्रकृया पुरा गरी शवलाई पोस्टमार्टमको लागि उर्लावारी मोरङ पठाइएको प्रहरीले जनाएको छ ।
यसैबीच सो घटनामा संलग्न भएको आशंकामा तीनजनालाई प्रहरीले पक्राउ गरेको जनाएको छ । गएराति अनुसन्धानका लागि तीनजनालाई पक्राउ गरिएको डीएसपी तिमल्सिनाले बताँउनु भयो । उनीहरुलाई नियन्त्रमामा लिई इलाका प्रहरी कार्यालय झिलझिलेमा राखिएको बताइएको छ ।
एआइ तस्बीर
