फिदिम, २५ असोज। बाढीले पुल बगाएपछि पाँचथर सदरमुकाम फिदिम नगरपालिका –१ र ७ लाई जोड्ने नाम्दु खोलामा स्थानीयल मिलेर फड्के निर्माण गरेका हुन् ।
पूर्वाधार विकास कार्यालय पाँचथरको सक्रियतामा फिदिम १ र ७ का नागरिकले जनश्रमदान गरेर बाँसको फड्के बनाएका छन् । यहाँ पूर्वाधार विकास कार्यालय पाँचथरले निर्माण गरेको पुल असोज १८ गते आएको बाढीले बगाएको थियो भने त्यसपछि यो सडक भएर फिदिमदेखि रानिटार हुँदै लुङरुपा सम्म जाने सवारी साधन चलिरहेको छैन ।
पुल र बाटो बगेपछि यात्रुलाई समेत आवागमनमा असहज भइरहेका बेला यहाँ बाँसको फड्के बनाइएको कार्यालय प्रमुख सैलेन्द्र सिंहले बताँउनु भयोे । फड्के बनेपछि पैदल यात्रुलाई सहज भएको जानकारी पाइएको छ ।
