दमक, १२ कार्तिक । जेन जि आन्दोलन पछिको परिस्थिति असामान्य बन्दै गएको र नागरिकमा डर र त्रास बढिरहेको नेकपा एमालेका केन्द्रिय सदस्य गोभिन्द थापाले बताउनु भएको छ । जेनजिहरुका माग र आवाज सार्थक र समय सान्दर्भिक भएपनी त्यसपछिका गतिविधि र व्यवहारका कारण देश नै तहस नहस भएपछि परिस्थिति असामान्य र असुरक्षित बनेको उहाले बताउनु भएको हो ।
मंगलबार झापाको दमकमा यहाका सकृय सन्चारकर्मीहरुसगको अन्तरक्रियामा उहाले भन्नू भयो तर अब हामी असुरक्षित भयो र यसै बस्ने भन्दा पनि अब आफ्नो सुरक्षा कसरी गर्ने भन्नेबारेमा सबै सचेत हुन आवश्यक रहेको पनि उहाले उल्लेख गर्नु भयो । यहि सन्दर्भमा अब जनताको सुरक्षा गर्न भन्दै झापामा २ सय जनाको नया फोर्स तयार भएको र त्यसले नागरिकको सुरक्षामा प्रहरी प्रशासनसग समन्वय गरि कानुनी दायरामा रहि काम गर्ने जानकारी दिनुभयो ।
यस्तै उहाले पार्टी अध्यक्ष केपी शर्मा ओलीको सुरक्षाकालागी पार्टीकै तहबाट तीन घेरामा सुरक्षा प्रबन्ध मिलाईएको समेत सो अबसरमा जानकारी गराउनु भयो । पुर्व प्रधानमन्त्री समेत रहनु भएका ओलीको निर्वाचन क्षेत्र समेत रहेको दमकका पत्रकारले पार्टी अध्यक्षको सुरक्षाको प्रबन्ध कस्तो छ भनी सोधेको प्रश्नको जवाफ दिदै उहाले भन्ने भयो “ उहाकालागी सुरक्षाका घेरा तयार गरिएको छ । ढुक्क हुनुस यस क्षेत्रका प्रतिनिधि , देशका सर्वोच्च नेता केपी ओलीको सुरक्षामा पार्टी र युवा पंक्तिले कुनै कसुर बाकी राखेको छैन ।
उहासगको अन्तरक्रियामा दमकका पत्रकारहरुले जेन जि आन्दोलन र त्यसपछिको परिस्थिति र अब एमालेको कार्यदिशाबारे समेत जिज्ञासा राखेको थिए । यस सन्दर्भमा उहाले जेन जि आन्दोलन पछि जनताको पक्षमा कुनै दल छ भने त्यो नेकपा एमाले नै रहेको भन्दै आफ्नो दावी प्रस्तुत गर्नु भएको थियो ।
